આખું વિશ્વ નવા વર્ષની ઉજવણીમાં ડૂબી ગયું છે. ભારતીય ક્રિકેટરો પણ નવા વર્ષની ઉજવણી કરી રહ્યા છે. પૂર્વ કેપ્ટન મહેન્દ્રસિંહ ધોની તેના પરિવાર સાથે દુબઈમાં ઉજવણી કરી રહ્યો છે.
નવા વર્ષની ક્રિકેટરોએ પણ કરી ઉજવણી
પૂર્વ કેપ્ટન મહેન્દ્રસિંહ ધોનીએ પરિવાર સાથે દુબઈમાં ઉજવણી કરી
સાક્ષી સિંહ ધોનીએ તેના ઈન્સ્ટાગ્રામ પર એક વીડિયો શેર કર્યો
ભારતીય ટીમના પૂર્વ કેપ્ટન મહેન્દ્રસિંહ ધોનીએ દુબઈમાં પોતાના પરિવાર સાથે નવા વર્ષની ઉજવણી કરી હતી. આખું વિશ્વ 2023 નું સ્વાગત કરી રહ્યું છે અને ઉજવણીમાં ડૂબી ગયું છે. ટીમ ઈન્ડિયાનો વર્લ્ડ વિનિંગ કેપ્ટન મહેન્દ્રસિંહ ધોની પણ સેલિબ્રેશનમાં ડૂબેલો છે.
સાક્ષી સિંહ ધોનીએ તેના ઈન્સ્ટાગ્રામ પર એક વીડિયો શેર કર્યો
સાક્ષી સિંહ ધોનીએ તેના ઈન્સ્ટાગ્રામ પર એક વીડિયો શેર કર્યો છે. જેમાં મહેન્દ્રસિંહ ધોની દુબઈમાં નવા વર્ષને આવકારવા ફટાકડા ફોડીને આનંદ માણી રહ્યો છે. તેમના ખોળામાં દીકરી જીવા ધોની છે અને બંને ફટાકડા ફોડી રહ્યા છે.
સાક્ષી સિવાય ચેન્નાઈ સુપર કિંગ્સે પણ આ વીડિયો શેર કર્યો અને લખ્યું કે થાલા સાથે વર્ષ 2023નું સ્વાગત છે. જણાવી દઈએ કે એમએસ ધોની છેલ્લા કેટલાક દિવસોથી દુબઈમાં છે, તેણે ત્યાં ક્રિસમસ પણ મનાવી હતી.
ટીમ ઈન્ડિયાના ઘણા સ્ટાર્સે પોતાના પરિવાર સાથે નવા વર્ષની ઉજવણી કરતી તસવીરો શેર કરી છે. ટીમ ઈન્ડિયાનો કેપ્ટન રોહિત શર્મા પોતાના પરિવાર સાથે માલદીવમાં છે, જ્યારે વિરાટ કોહલી પણ UAEમાં છે.
તમને જણાવી દઈએ કે ટીમ ઈન્ડિયા હવે 3 જાન્યુઆરીથી શ્રીલંકા સામે T20 સિરીઝ રમવાની છે. જોકે તે સિરીઝમાં રોહિત શર્મા, વિરાટ કોહલી અને કેએલ રાહુલ જેવા કોઈ સિનિયર ખેલાડી નથી. ભારતે શ્રીલંકા સામે વનડે શ્રેણી પણ રમવાની છે, જેમાં વરિષ્ઠ ખેલાડીઓ વાપસી કરશે.