TV નો ફેમસ શો તારક મહેતા કા ઉલ્ટા ચશ્માના જેઠાલાલ અને દયા બેનને લોકો ખુબ પસંદ કરી રહ્યાં છે. જેઠાલાલનું પાત્ર દિલીપ જોશી ભજવી રહ્યાં છે.
દિલીપ જોશીએ કરી આવી હરકત
ઍરપોર્ટ પર દેખાયા બેગ સાથે
દીકરી નિયતિએ કર્યા યશોવર્ધન સાથે લગ્ન
ઍરપોર્ટ પર કરી અજીબ હરકત
દિલીપ જોશી શોમાં તો અજીબ હરકત કરતાં દેખાય જ છે પરંતુ રિયલ લાઇફમાં પણ તે ખુબ અજીબ વસ્તુઓ કરે છે અને લોકોને હસાવે છે. હાલમાં જ એક વીડિયો વાયરલ થયો છે જેમાં દિલીપ ઍરપોર્ટ પર છે અને એવી હરકતો કરી રહ્યાં છે જેનાથી લોકો હસી હસીને લોટ પોટ થઇ રહ્યાં છે.
શું છે વીડિયોમાં
વીડિયોમાં તેમનું બેગ આમથી તેમ જઇ રહ્યું છે. પાછળથી તેમનો અને દયાબેનનો અવાજ આવી રહ્યો છે. લોકો આ ફની વીડિયો પર ખુબ રિએક્ટ કરી રહ્યાં છે.
તાજેતરમાં જ દિલીપની પુત્રી નિયતિના લગ્ન થયા હતા. તેના લગ્નના ફોટા અને વીડિયો ઈન્ટરનેટ પર જોરદાર ધૂમ મચાવી રહ્યા હતા, પરંતુ આ દરમિયાન નિયતિના સફેદ વાળએ બધાનું ધ્યાન ખેંચ્યું, જેના કારણે તે સોશિયલ મીડિયા પર પણ ટ્રેન્ડ કરવા લાગી. લગ્નમાં આ રીતે સફેદ વાળ કરવા બદલ કેટલાક લોકોએ તેના જોરદાર વખાણ કર્યા તો કેટલાકે તેની મજાક પણ ઉડાવી. હવે આ અંગે દિલીપ જોશીએ પોતાનો પ્રતિભાવ આપ્યો છે.
દિલીપ જોશીએ મૌન તોડ્યું
એક ઈન્ટરવ્યુ દરમિયાન દિલીપ જોશીએ જણાવ્યું કે જ્યારે તેમની દીકરીને ખબર પડી કે તે સફેદ વાળને કારણે સોશિયલ મીડિયા પર ટ્રેન્ડ કરી રહી છે ત્યારે તે ખૂબ જ ચોંકી ગઈ હતી. તેણે કહ્યું, 'તે તેના લગ્નમાં તેના વાળ જે રીતે રાખવા માંગતી હતી તે જ રીતે રાખ્યા. અમે ક્યારેય વિચાર્યું ન હતું કે લોકો આના પર પ્રતિક્રિયા આપશે. અમારા ઘરમાં ક્યારેય તેની ચર્ચા થઈ ન હતી. ઘણા લોકો તરફથી સારો પ્રતિસાદ મળ્યો, જેનાથી મને આનંદ થયો કે મારી પુત્રીએ અન્ય લોકોને પણ પ્રેરણા આપી છે. દિલીપ જોષીએ કહ્યું કે મને લાગે છે કે આપણે જેવા છીએ તેવા લોકોની સામે આવવું જોઈએ.
નિયતિએ બોયફ્રેન્ડ સાથે લગ્ન કર્યા
તમને જણાવી દઇએ કે દિલીપ જોશીની પુત્રી નિયતિએ તેના બોયફ્રેન્ડ યશોવર્ધન મિશ્રા સાથે 11 ડિસેમ્બર, 2021ના રોજ લગ્ન કર્યા હતા. આ લગ્નમાં દિલીપનો પરિવાર અને તારક મહેતાની સ્ટારકાસ્ટ પણ આવી હતી. થોડા દિવસો પહેલા એવા સમાચાર આવ્યા હતા કે દિલીપ જોશી 'તારક મહેતા કા ઉલ્ટા ચશ્મા' શો છોડવા જઈ રહ્યા છે જેના પર તેણે પોતાની પ્રતિક્રિયા આપી હતી.