દુઃખદ / નટુકાકાની અંતિમયાત્રામાં રડી પડ્યાં જેઠાલાલ અને ટપૂ, TMKOCની ટીમમાં શોકની લહેર

• ઘનશ્યામ નાયકના અંતિમ સંસ્કારમાં પહોંચી ટીમ
• ભવ્ય ગાંધી અને રાજ અનડકટ પણ સામેલ
• નજીકના સંબંધીઓ પણ રહ્યાં હાજર

નટુકાકાનો અંતિમસંસ્કાર
ઘનશ્યામ નાયકના નિધનથી સમગ્ર મનોરંજન જગતમાં શોકની લાગણી પ્રસરાઇ ગઇ છે. આજે તેમના અંતિમસંસ્કારમાં દિલીપ જોશી, પ્રોડ્યુસર અસિત મોદી અને ભવ્ય ગાંધી તેમજ રાજ અનડકટ સામેલ થયા છે. 

 

 

 

 

View this post on Instagram

 

 

 

 

 

 

 

 

 

 

 

A post shared by Bollywood Pap (@bollywoodpap)

ઘનશ્યામ નાયકે નટુકાકાનું પાત્ર ભજવીને લોકોનું દિલ જીતી લીધું હતું. TMKOCની ટીમ સાથે તેમના નજીકના સંબંધીઓ સામેલ થયા છે.

ઘનશ્યામ નાયકે કરી હતી પોસ્ટ - 'અંતિમ શ્વાસ સુધી અભિનય સાથે જોડાયેલો રહીશ'

છેલ્લા 13 વર્ષથી માત્ર ગુજરાતીઓ જ નહિ પરંતુ દેશ-વિદેશના ખૂણે-ખૂણે દર્શકોના લોક હૃદય પર બિરાજિત સીરીયલ તારક મહેતા કા ઉલટા ચશ્માના લોકપ્રિય પાત્ર નટુકાકા (ઘનશ્યામ નાયક)નું નિધન થતા ગુજરાતી રંગભૂમિ ગુજરાતી ચલચિત્ર જગત અને હિન્દી ફિલ્મ/ટીવી ઇન્ડસ્ટ્રીમાં શોકની લહેર ફરી વળી છે. ઘનશ્યામ નાયક ઉર્ફ નટુકાકા છેલ્લા કેટલાક સમયથી કેન્સરની બીમારીથી પીડાતા હતા. મૂળ ઉત્તર ગુજરાતના વડનગરના ઉંઢઇ ગામના વતની હતા. ઘનશ્યામ નાયકનો જન્મ 12 મે 1944માં થયો હતો. ત્રણ મહિના પહેલા નટુ કાકાને કેન્સર ડિટેક્ટ થયું હતું. તેમને પોતાની એક સોશિયલ મીડિયા પોસ્ટમાં જણાવ્યું હતું કે, તેઓ પોતાના અંતિમ શ્વાસ સુધી અભિનય સાથે જોડાયેલા રહી દર્શકોનું મનોરંજન કરતા રહેશે.

 

 

 

 

View this post on Instagram

 

 

 

 

 

 

 

 

 

 

 

A post shared by Bollywood Pap (@bollywoodpap)

ઘનશ્યામ નાયકની ફિલ્મી સફર 

ઉત્તર ગુજરાતના વાતની ઘનશ્યામ નાયક ભાવાઈ અને રંગભૂમિથી પ્રવેશીને હિન્દી ફિલ્મ/સીરીયાલ્સની દુનિયામાં ભારે સંઘર્ષ બાદ પહોચ્યા હતા. તેઓની ફિલ્મી સફરની વાત કરીએ તો તેમણે 34 જેટલી હિન્દી ફિલ્મોમાં કામ કર્યું હતું. અનીલ કપૂર અને સલમાન ખાનથી માંડીને સની દેઓલ જેવા કલાકારો સાથે કામ કરી ઘનશ્યામ નાયકે હિન્દી ચિત્રપટમાં પણ મોટું યોગદાન આપ્યું હતું. તેમની ફિલ્મ કારકિર્દી પર એક નજર - 1960માં બાળ કલાકાર તરીકે માસૂમ,1974 માં બાળક ધ્રુવ,1992માં બેટા, તિરંગા,1993માં આંખે, 1994માં લાડલા, ક્રાંતિવીર, ઇના મીના ડીકા, 1995માં આંદોલન, બરસાત, 1996માં માફિયા, ચાહત, ક્રિશ્ના,ઘાતક, ઈશ્ક(1997) 1998માં શ્યામ-ઘનશ્યામ ચાયના ગેટ, બારૂદ, કચ્ચે ધાગે, (1999)માં હમ દિલ દે ચૂકે સનમ, (2000) તેરા જાદૂ ચલ ગયા,2001માં ચહેરા મૌત કા, લજ્જા   (2003)તેરે નામ, શીકારી ઘનશ્યામ, ખાખી, પોલીસ ફોર્સ, પંગા ના લો, અંદર ટ્રાયલ, હલ્લો,હમ લલ્લન બોલ રહે હૈ, એક્કો,બાદશાહ,રાણી, લવની ભવાઈ