તારક મહેતા કા ઉલટા ચશ્માં શો લઈને ચર્ચાઓ ચાલુ જ રહે છે. ઘણા જુના લોકો શો છોડીને ચાલ્યા ગયા છે ત્યારે જુના અંજલી ભાભીએ જણાવ્યું કે હજુ મને 6 મહિનાનો પગાર ચૂકવ્યો નથી
લોકોનો પસંદ શો હવે વધુ ચર્ચામાં રહે છે
સૌથી વધુ જોવામાં આવતી ટીવી સીરીયલ તારક મહેતા કા ઉલટા ચશ્માં થોડા વર્ષોથી ચર્ચામાં જોવા મળી છે પહેલા દયાભાભીનું કિરદાર નિભાવનાર દિશા વાકાણીએ શો છોડી દીધો હતો અને હવે તે પરત ફરશે તેવું લાગી નથી રહ્યું ત્યારે તેમાં અંજલી ભાભીનું કિરદાર નિભાવનાર નેહા મહેતાએ પણ થોડા વર્ષો પહેલા આ શો છોડી દીધો હતો જેના બદલામાં સુનાયના ફોઝદારે આ રોલ મળ્યો હતો.
6 મહિનાના પૈસા હજુ ચૂકવ્યા નથી
અંજલી ભાભી તરીકે નેહાએ 12 વર્ષ સુધી પાત્ર ભજવ્યું હતું અને વર્ષ 2020 આ શોને અલવિદા કહ્યું હતું. ત્યાર પછી તેના પ્રોડ્યુસરે બીજા વ્યક્તિને શોના લાવ્યા હતા. ત્યારે નેહા સાથે વાત થતા તેને જણાવ્યું હતું કે. મેં આ કામ છોડ્યા બાદ મને છેલ્લા 6 મહિનાના બાકી રહેતા નાણા હજુ ચુકવવામાં આવ્યા નથી. મેં કામ 2020 માં છોડી દીધું હતું. ત્યારબાદ મેં ઘણી વાર તેમને જણાવ્યું પણ છે. મને આ વાતને લઈને કોઈ ફરિયાદ કરવી પણ પસંદ નથી. આશા છે કે આ બધા વચ્ચેનું સમાધાન જલ્દી આવે અને મારા કમાયેલા પૈસા મને પરત મળે.
નેહા હાલ વેબ સિરીઝ પર કામ કરી રહી છે
તારક મહેતા પછી નેહાએ કોઈપણ ટીવી શોમાં કામ કર્યું નથી. તેણીએ કહ્યું, "હું સારી ઑફર્સની રાહ જોઈ રહી છું. ટીવી એક ઉત્તમ માધ્યમ છે અને તેણે મને ઘણું બધુ આપ્યું છે. પરંતુ, હું 12 વર્ષ સુધી અભિનય કર્યા પછી જલ્દીથી બીજા શોમાં જવા માંગતી ન હતી. હું મારા કામ પર ધ્યાન કેન્દ્રિત કરી રહી છું. હું નવા કોન્સેપ્ટ અને મારા પોતાના પ્રોડક્શન હાઉસ પર કામ કરી રહી છું. મને આશા છે કે હું ટૂંક સમયમાં વેબ શો પર કામ શરૂ કરીશ."