તારક મહેતા કા ઉલ્ટા ચશ્મા ટેલિવિઝન જગતની સૌથી લોકપ્રિય સીરિયલ્સમાંથી એક છે. આ સીરિયલ દર્શકોના દિલ પર રાજ કરે છે. જોકે, તેના માટે સખત મહેનત કરવી પડે છે. આ શો અસિત કુમાર મોદી પ્રોડ્યૂસ કરે છે અને પોતાના ટેલેન્ટના દમ પર તેમણે સતત 12 વર્ષોથી આ શોને સફળતા અપાવી છે.
તારક મહેતાના પ્રોડ્યૂસર અસિત મોદીએ શરૂઆતમાં અનેક મુશ્કેલીઓ જોઈ છે
પોતાના ટેલેન્ટના દમ પર અસિત મોદીએ તારક મહેતાને સફળતા અપાવી
તમને જણાવી દઈએ કે, શોના પ્રોડ્યૂસર અસિત મોદીએ તેમના શરૂઆતી કરિયરમાં અનેક મુશ્કેલીઓનો સામનો કર્યો છે. તેમણે શરૂઆતમાં નાના કામથી શરૂઆત કરી અને પછી તેઓ એક પ્રોડ્યૂસર બન્યા. એક જૂના ઈન્ટરવ્યૂમાં અસિત મોદીએ જણાવ્યું હતું કે, તેમણે થિયટર્સમાં લાઈટ લગાવવાનું કામ કરતા હતા અને હવે તેમને પોતાના સંઘર્ષના દિવસો યાદ કરીને ઘણું સારું પણ લાગે છે.
તેમણે જણાવ્યું કે, શરૂઆતમાં બહુ જ સંઘર્ષ કરવો પડ્યો છે. એ સમયને યાદ કરું છું તો લાગે છે કે, ત્યારે કામ કરવામાં ખૂબ જ મજા પણ આવતી હતી. હું આસિસ્ટન્ટ ડિરેક્ટર હતો, થિયેટરમાં કલરફુલ લાઈટ્સ ડિઝાઈન કરતો હતો. હું થોડું ઘણું લખતો પણ હતો અને એક્ટિંગ પણ કરકતો હતો. હું કોલેજમાં હતો ત્યારથી ડ્રામામાં ભાગ લેતો હતો. નાટક ડિરેક્ટ કરતો હતો. નાટકોને ટ્રાન્સલેટ કરવાનું કામ પણ મૈં કર્યું છે.
અસિત મોદીએ આગળ જણાવ્યું કે, મુંબઈમાં મને ઘણી સ્પર્ધામાં બેસ્ટ એક્ટર, બેસ્ટ ડિરેક્ટરની સાથે ઘણાં એવોર્ડ્સ મળ્યા હતા. જેથી મને થયું કે આ જ ક્રિએટિવ ફીલ્મમાં નસીબ અજમાવીશ. એ સમયે સ્ટ્રગલ ખૂબ જ હતી કારણ કે સેટેલાઈટ ચેનલ્સ એટલી નહોતી. હું મોટાભાગે ગુજરાતી થિયેટર પર નિર્ભર હતો. મૈં શરૂઆતમાં અમદાવાદ દૂરદર્શન માટે ગુજરાતી સીરિયલ બનાવી.
તેમણે આગળ કહ્યું- અમદાવાદ દૂરદર્શન માટે મૈં ઘણંુ કામ કર્યું. પછી ધીરે ધીરે મૈં મારું પ્રોડ્ક્શન હાઉસ નીલા ટેલીફિલ્મ્સ ખોલ્યું. જેમાં મૈં હમ સબ સીરિયલ બનાવી. મને ડિરેક્શન કરવું પસંદ હતું પરંતુ પોતાની કંપની ખોલ્યા બાદ પ્રોડ્યૂસર બનવાનું નક્કી કર્યું.
અસિત મોદીએ જણાવ્યું કે, તેઓ બિઝનેસ માટે આ ફીલ્ડમાં નથી આવ્યા, પણ કેટલીક સારી ટીવી સીરિયલ્સ બનાવવા માટે આવ્યા છે. તેમણે કહ્યું કે, એક પ્રોડ્યૂસરનું જીવન ઘણું જ મુશ્કેલ હોય છે. શો ચાલુ જ રહેશે, ભલે પછી 15 ઓગસ્ટ હોય કે 26 જાન્યુઆરી કે 1 મે હોય. રોજની કોમેડી સ્ક્રિપ્ટ બનાવવી પડે છે. રોજેરોજ લોકોને હસાવવા પડે છે. રોજ દર્શકોને હસાવવા થોડું મુશ્કેલ છે પરંતુ ઈશ્વરની કૃપાથી થઈ જાય છે.