તારક મહેતા કા ઉલ્ટા ચશ્મામાં બબીતાજીની ભૂમિકા ભજવનાર મુનમુન દત્તા રિયલ લાઈફમાં બિન્દાસ અને ખુશમિજાજ વ્યક્તિ છે. મુનમુનને ફરવાનો ખૂબ જ શોખ છે અને એ પણ સોલો ટ્રિપ. મુનમુન પોતાની ફિટનેસને લઈને પણ સજાગ રહે છે અને પોતાની સ્કિનનું પણ ખાસ ધ્યાન રાખે છે. મુનમુને પોતાની યૂટ્યૂબ ચેનલ પર હાલમાં જ એક વીડિયો શેર કર્યો હતો જેમાં તેણે ફેન્સ દ્વારા પૂછાયેલા સવાલોના જવાબ આપ્યો હતો.
તારક મહેતા કા ઉલ્ટા ચશ્માની બબીતાજી છે બિન્દાસ
બબીતાજી 40થી વધુ દેશોમાં કરી ચૂકી છે સોલો ટ્રિપ
બબીતાજી જો એક્ટર ના હોત તો કરી રહી હોત આ કામ
મુનમુન દત્તાને સોલો ટ્રિપ પર જવું ખૂબ જ પસંદ છે. તે પોતાના ઈન્સ્ટાગ્રામ એકાઉન્ટ પર સોલો ટ્રિપની તસવીરો શેર કરતી રહે છે. તે કેટલીક જૂની સોલો ટ્રિપની તસવીરો પણ ફેન્સ સાથે શેર કરે છે. મુનમુન દત્તાએ જણાવ્યું કે તે એકલી જ 40થી વધુ દેશોની યાત્રા કરી ચૂકી છે. તેને સૌથી વધુ આઈસલેન્ડ અને પેરુ જવું પસંદ છે.
મુનમુન દત્તા હિન્દી, અંગ્રેજી, બંગાળી સિવાય સ્પેનિશ પણ જાણે છે. તેણે જણાવ્યું કે, હું થોડી ઘણી સ્પેનિશ પણ જાણું છું. પહેલાં હું સ્પેનિશ શીખી રહી હતી પરંતુ પછી મારી પ્રેક્ટિસ છૂટી ગઈ. પરંતુ હવે હું ફરી સ્પેનિશ શીખવાનું શરૂ કરીશ. મને સ્પેનિશથી પ્રેમ છે અને આ વિદેશી ભાષા મને આવડે છે.
મુનમુન દત્તાએ જણાવ્યું કે, જો તે એક એક્ટર ન હોત તો ડોક્ટર હોત. તેણે જણાવ્યું કે, જો હું એક એક્ટર ન હોત તો ડોક્ટર હોત. મને મેડિકલ સાયન્સમાં બહુ જ રસ હતો, જેથી હું ડોક્ટર બનવા માંગતી. તમને જણાવી દઈએ કે, મુનમુન દત્તા ઈંગલિશ ઓનર્સ ગ્રેજ્યુએટ છે અને તે ફર્સ્ટ ઈયર એમ.એમાં હતી જ્યારે તેને તારક મહેતા કા ઉલ્ટા ચશ્મા ઓફર થયું અને તેણે આ શો જોઈન કરી લીધો.
મુનમુન દત્તા તારક મહેતા શો છોડવા અંગે બોલી કે તારક મહેતા એક ખૂબ જ લોકપ્રિય શો છે. તે આ શો સાથે લાંબા સમયથી જોડાયેલી છે. શો છોડવાને લઈને જ્યારે તેના ફેન્સે તેને સવાલ પૂછ્યો તો તેણે કહ્યું કે શું તમે એવું ઈચ્છો છો કે હું શો છોડી દઉં, તેણે કહ્યું કે, મને વિશ્વાસ છે કે, મારા ફેન્સ નહીં ઈચ્છે કે હું ક્યારેય આ શો છોડું.