Video / જીતના જશ્નમાં બેકાબૂ મમતા બેનર્જીના કાર્યકરો : માસ્ક વગર હજારોનો 'રેલો', BJPની ઓફિસ બહાર હંગામો

• જીતના જશ્નમાં મમતા બેનર્જીના કાર્યકરો ભાન ભૂલ્યા 
• કોલકાતાની સડકો પર હજારોની સંખ્યામાં ભેગા થયા કાર્યકર્તાઓ 
• ભાજપના કાર્યાલયની બહાર TMC કાર્યકરો દ્વારા કરવામાં આવ્યો હંગામો 

જીતના ઉન્માદમાં બેકાબૂ મમતાના કાર્યકરો 

પશ્ચિમ બંગાળમાં આજે વિધાનસભા ચૂંટણીના પરિણામો સામે આવી રહ્યા છે ત્યારે મમતા બેનર્જી ત્રીજી વાર સરકાર બનાવશે તેવું ટ્રેન્ડમાં સ્પષ્ટ દેખાઈ રહ્યું છે. ભારતીય જનતા પાર્ટીએ બંગાળમાં પોતાની પૂરી તાકાત લગાવી દીધી પરંતુ જીતી ન શક્યા જોકે સામે પક્ષે TMCના કાર્યકરો આ ભયંકર મહામારીની વચ્ચે ભાન ભૂલ્યા છે. 

#WATCH Trinamool Congress supporters in large numbers gathered outside the BJP office in Kolkata's Hastings area, as TMC leads in 200 plus seats #WestBengalElections pic.twitter.com/KywRZVoq2v

— ANI (@ANI) May 2, 2021

#WATCH | A police personnel instructs TMC supporters to stop celebrations in Asansol

EC asks States/UTs to "prohibit victory celebrations urgently", also directs that responsible SHOs/officers must be suspended immediately and criminal& disciplinary actions must be initiated pic.twitter.com/QUuVO3CrzV

— ANI (@ANI) May 2, 2021

#WATCH TMC supporters celebrate at Kalighat, Kolkata as party leads on 202 seats as per official trends#WestBengalElections2021 pic.twitter.com/iiOyPhf8be

— ANI (@ANI) May 2, 2021

#WATCH | Celebrations by TMC supporters begin in Asansol as official trends show the party leading on 202 seats so far. The Election Commission has banned any victory procession amid the #COVID19 situation in the country.#WestBengalElections2021 pic.twitter.com/2sEtXI7mF6

— ANI (@ANI) May 2, 2021

TMC જીતના જશ્નમાં મશગૂલ, કોરોના ભૂલાઈ ગયો 

ભારતમાં કોરોના વાયરસના કારણે પરિસ્થિતિ દરરોજ ખરાબ થઈ રહી છે ત્યારે ચૂંટણી પંચ દ્વારા જીતના જશ્ન પર પ્રતિબંધ મૂકવામાં આવ્યો છે છતાં તૃણમૂલ કોંગ્રેસ કાર્યકર્તાઑ ભાન ભૂલ્યા છે. કોલકાતાની સડકો પર  હજારોની સંખ્યામાં કાર્યકરો ભેગા થઈ રહ્યા છે અને ઢોલ નગારા સાથે નાચ ગયાં કરવામાં આવી રહ્યું છે. 

ભાજપના કાર્યાલયની બહાર જબરદસ્ત હંગામો 

કોલકાતામાં ભાજપ કાર્યાલયની બહાર પણ હજારોની સંખ્યામાં TMCના કાર્યકરો ભેગા થઈ ગયા હતા અને એ બાદ કાર્યાલયની અંદર ઘૂસવાનો પણ પ્રયાસ કર્યો હતો તેવું મીડિયા અહેવાલમાં સામે આવ્યું છે. પોલીસ આ કાર્યકર્તાઓ સામે કોઈ પણ પ્રકારની કાર્યવાહી કરતી દેખાઈ નથી રહી અને રાજ્યમાં જીતના ઉન્માદમાં કોઈ અનિચ્છનીય ઘટના ન ઘટે તેને લઈને ચિંતા ઊભી થઈ ગઈ છે. કોલકાતા સહિત આખા બંગાળના આ પ્રકારના દ્રશ્યો સામે આવી રહ્યા છે ત્યારે મમતા બેનર્જી સહિતના કોઈ પણ નેતાએ પોતાના કાર્યકર્તાઓને કાબૂ રાખવા માટે અપીલ કરી રહ્યા નથી. આટલું જ નહીં એક તરફ દેશમાં મહામારી ફેલાઈ રહી છે અને કોરોના વાયરસના કારણે લોકો મરી રહ્યા છે ત્યારે આ ભારે ભીડ બાદ મોટા પ્રમાણમાં કોરોનાનો બોમ્બ ફૂટે તો નવાઈ નહીં. 

મમતાએ ખેલા કરી દીધો 

ભારતમાં ચાર રાજ્યો અને એક કેન્દ્રશાસિત પ્રદેશમાં થયેલી ચૂંટણીના પરિણામો આજે આવી રહ્યા છે ત્યારે સૌથી વધારે લોકોનું ધ્યાન પશ્ચિમ બંગાળ પર ટકેલું છે. બંગાળમાં માનવામાં આવી રહ્યું હતું કે મમતા બેનર્જી અને ભાજપ વચ્ચે જોરદાર ટક્કર જોવા મળશે પરંતુ પરિણામોમાં એવું જોવા મળી રહ્યું નથી. બંગાળમાં મમતા બેનર્જીની તૃણમૂલ કોંગ્રેસ આરામથી ત્રીજી વાર સત્તામાં આવશે. જોકે મમતા બેનર્જી માટે ચિંતાની વાત છે તેઓ પોતે જે સીટ પરથી લડ્યા છે, તે નંદીગ્રામમાં અધિકારી મમતા બેનર્જી કરતાં સવારથી આગળ જ ચાલી રહ્યા છે. 

ભાજપની કરારી હાર, લેફ્ટ-કોંગ્રેસના સૂપડા સાફ 

બપોરન 12 વાગ્યા સુધીના ટ્રેન્ડ અનુસાર મમતા બેનર્જીની ટીએમસીએ ડબલ સેન્ચુરી ફટકારી છે અને ભાજપને 100ની પાર જવામાં પણ મુશ્કેલીનો સામનો કરવો પડી રહ્યો છે. મમતા બેનર્જી અને ભાજપ વચ્ચે જ સીધી ટક્કર જોવા મળી રહી છે પરંતુ ભાજપની હાર નિશ્ચિત દેખાઈ રહી છે. ભારતીય જનતા પાર્ટી માટે મમતા બેનર્જી માટે કેમ્પેન કરનારા પ્રશાંત કિશોરે કહ્યું હતું કે ભાજપ ત્રણ અંકને પાર નહીં કરી શકે, અને તેમની આ ભવિષ્ય વાણી સાચી પડતી દેખાઈ રહી છે. બપોરના 12 વાગ્યા સુધીના ટ્રેન્ડ અનુસાર TMC 202 જ્યારે ભાજપ 88 સીટ પર આગળ છે. 

ભાજપ માટે સારી વાત એ કહી શકાય કે જે રાજ્યમાં તેમનું અસ્તિત્વ જ ન હતું તે રાજ્યમાં જોરદાર વધારો જોવા મળી રહ્યો છે. લેફ્ટ તથા કોંગ્રેસના વોટ જ તૂટીને ભાજપમાં આવ્યા હોય તેવું દેખાઈ રહ્યું છે. જે રાજ્યમાં લેફ્ટ પાર્ટીએ દાયકાઑ સુધી રાજ કર્યું તેમાં લેફ્ટને એક બેઠક, માત્ર એક બેઠક માટે મુશ્કેલીનો સામનો કરવો પડી રહ્યો છે.