વિવાદ / જાપાનમાં શિન્ઝો આબેના હત્યારાએ પણ સુરક્ષાદળમાં કામ કર્યું હતું, અગ્નિપથ યોજનાનો સંદર્ભ આપીને TMC જગાડ્યો નવો વિવાદ

• "જાગો બાંગલા"માં અગ્નિપથ યોજનાનો સંદર્ભ આપીને TMC જગાડ્યો નવો વિવાદ
• જાપાનમાં શિન્ઝો આબેની હત્યારાએ પણ સુરક્ષાદળમાં કામ કર્યું હતું
• પોતાની નોકરી ગુમાવ્યા બાદ તે શિન્ઝો આબેથી નારાજ હતો: "જાગો બાંગલા"

તૃણમૂલ કોંગ્રેસના મુખપત્ર "જાગો બાંગલા"ના પ્રથમ પેજ ઉપર પ્રકાશિત લેખ "શિઝોની હત્યામાં અગ્નિપથ છાયા" શીર્ષકથી ભારતમાં રક્ષા ભરતી માટે નવી શરૂ કરવામાં આવેલ "અગ્નિપથ યોજના" ની સાથે પૂર્વ જાપાની વડાપ્રધાન  શિઝો આબેની હત્યાને જોડી છે. નોંધનિય છે કે, શુક્રવારે જાપાનમાં પૂર્વ વડાપ્રધાનની ગોળી મારીને હત્યા કરી દેવામાં આવી છે. 

તૃણમૂલ કોંગ્રેસના મુખપત્ર "જાગો બાંગલા"ના પ્રથમ પેજ ઉપર પ્રકાશિત લેખમાં શિન્ઝો આબેની હત્યા કરવા વાળો વ્યક્તિ પોતે પેન્શન વગર સેનામાં કામ કર્યું હોવાનો ઉલ્લેખ કરવામાં આવ્યો છે. 

"જાગો બાંગલા"માં શું ઉલ્લેખ કરવામાં આવ્યો ? 

લેખમાં ઉલ્લેખ કરવામાં આવ્યો છે કે, અગ્નિપથ યોજના દ્વારા લોકો માત્ર 4.5 વર્ષ સુધી કાર્યરત રહેશે. તેમને કોઈ પેન્શન નહીં મળે. લેખમાં ઉલ્લેખ કરવામાં આવ્યો છે કે, આબેનો હત્યારો તેત્સુયા યામાગામીએ ત્રણ વર્ષ સુધી જાપાન મેરીટાઇમ સેલ્ફ ડિફેન્સની સાથે કામ કર્યું હતું. આ લેખમાં દાવો કરવામાં આવ્યો છે કે, જે બાદમાં તેમને કોઈ નોકરી મળી ન હતી. તેને પોલીસને જણાવ્યું હતું કે, પોતાની નોકરી ગુમાવ્યા બાદ તે શિન્ઝો આબેથી નારાજ હતો. 

TMCએ ટ્વિટ કરી શોક પ્રગટ કર્યો

TMCએ ટ્વિટ કરી જાપાનના પૂર્વ પ્રધાનમંત્રીના નિધનને લઈ શોક પ્રગટ કર્યો હતો. TMC દ્વારા કહેવામાં આવ્યું છે કે, જાપાનના પૂર્વ પ્રધાનમંત્રી શિન્ઝો આબેના નિધનથી પૂરી દુનિયા શોકમાં છે. જાપાનની સાથે ભારતનો ઐતિહાસિક સંબંધ રહેલો છે અને આબેએ તેને જીવતો રાખવામાં અહમ બભુમિક નિભાવી હતી. આ કઠિન સમયમાં અમારી પ્રાર્થના તેમના પરિવાર અને જાપાનના લોકો સાથે છે. આ સાથે બંગાળના મુખ્યમંત્રીએ પણ પૂર્વ  પ્રધાનમંત્રીના નિધન પર શોક વ્યક્ત કરી જણાવ્યું હતું કે, બંગાળ અને જાપાન વચ્ચે વિશેષ સંબંધ હતો. 

I am deeply shocked by the tragic demise of the former PM of Japan, Mr. Shinzo Abe. His dastardly assassination brings us immense pain.
He not only cemented the relation between India & Japan but also had a special connection with Bengal.
May the noble soul rest in peace. pic.twitter.com/iWTomIx4eN

— Mamata Banerjee (@MamataOfficial) July 9, 2022