વાયરલ / કેમેરો નિકોનનો અને કવર કેનનનું, PM મોદીને જન્મદિન પર ટ્રોલ કરવા ગયું TMC, છેલ્લે ભોંઠા પડવાનો વારો આવ્યો

• ચિત્તાઓને મધ્યપ્રદેશ લાવ્યા બાદ પીએમ મોદીએ કરી હતી ફોટોગ્રાફી 
• TMCએ શેર કર્યો નિકોન કેમેરા અને કેનન કવરવાળો એડિટેડ ફોટો 
• બીજેપીએ કર્યો પલટવાર 

પ્રધાનમંત્રી નરેન્દ્ર મોદીની દરેક એક્ટિવિટી પર વિપક્ષની નજર રહે જ છે. વિપક્ષ તેમને અને તેમની સરકાર ને ઘેરવાનો એક પણ અવસર ચુકતા નથી, પછી ભલે મુદ્દો કેનન અને નિકોન જ કેમ ના હોય. પીએમ મોદીએ પોતાના જન્મદિવસનાં રોજ એટલે કે 17 સપ્ટેમ્બરનાં દિવસે નામીબિયાથી લાવવામાં આવેલા ચિત્તાઓને મધ્યપ્રદેશનાં કૂનો નેશનલ પાર્કમાં છોડ્યા હતા. આ દરમિયાન તેઓ ચિત્તાની ફોટોગ્રાફી કરતાં પણ જોવા મળ્યા હતા. સફારી ટોપી અને સનગ્લાસ સાથે પીએમ મોદીએ ફોટોગ્રાફી કરી હતી, પણ વિપક્ષે આમાં પણ કેનન અને નિકોનનો સવાલ ઉઠાવ્યો. 

TMC સાંસદે કર્યું ટ્વિટ 

પીએમ મોદી જે કેમેરાથી ફોટોગ્રાફી કરી રહ્યા હતા, તેને લઈને વિપક્ષે દાવો કર્યો કે કેમેરા નિકોનનો અને કવર કેનનનું છે. TMCનાં સાંસદ જવાહર સરકારે પીએમ મોદીની મજાક ઉડાવતા તેમનો એક એડિટેડ ફોટો શેર કર્યો. તેમણે ફોટો સાથે ટ્વિટ કર્યું કે કેમેરાનાં લેન્સ પર કવર રાખવું એ દૂરદ્રષ્ટિ છે. TMCના સાંસદની એડિટેડ તસવીર પર પલટવાર કરવામાં બીજેપી પણ પાછળ નથી. 

TMC Rajya Sabha MP is sharing an edited image of Nikon camera with canon cover.

Such a bad attempt to spread fake propaganda. @MamataOfficial ..hire someone better who can atleast have common sense. https://t.co/rPgNb3mmM0

— Dr. Sukanta Majumdar (@DrSukantaBJP) September 17, 2022

ટીએમસીએ શેર કરી એડિટેડ તસવીર 
ટીએમસીએ પ્રધાનમંત્રી નરેન્દ્ર મોદીની એડિટેડ તસવીર શેર કરી અને ત્યાર બાદ બીજેપી નેતા સૂકાંત મજૂમદારે ટીએમસી પ્રમુખ મમતા બેનર્જી પર નિશાન સાધ્યું. તેમણે લખ્યું કે TMCનાં રાજ્યસભા સાંસદ કેનન કવર સાથે નિકોન કેમેરાનો એડિટેડ ફોટો શેર કરી રહ્યા છે. ફેક પ્રોપગાન્ડા ફેલાવવાની ખરાબ કોશિશો થઈ રહી છે. 

BJP એ સાધ્યો મમતા બેનર્જી પર નિશાનો 
તેમણે બંગાળના મુખ્યમંત્રી અને ટીમસીના પ્રમુખ મમતા બેનરજી પર નિશાન સાધતાં લખ્યું કે મમતા બેનર્જી.. કોઈ સારા વ્યક્તિને હાયર કરો, જેની પાસે ઓછામાં ઓછી કોમન સેન્સ તો હોય. મજૂમદારનાં પલટવારની તરત જ બાદ ટીએમસી સાંસદ જવાહર સરકારે પોતાનું ટ્વિટ ડિલીટ કરી દીધું.