ચૂંટણી પ્રચાર / આટલું તો હું CM માટે પણ નથી કરતી', ભડકી ઉઠ્યા મમતાના 'સ્ટાર સાંસદ' અને ભાજપે જબરી ઉડાવી મજાક

• રોડ શો દરમિયાન વાહન ફસાતા નુસરત જહાં ગુસ્સે થયા
• પાર્ટી કાર્યકરે મેઈન રોડ સુધી રોડ શો કરવાની કરી વિનંતી
• નુસરતે પાર્ટી કાર્યકરની વિનંતી ફગાવી કહ્યું મુખ્યમંત્રી માટે પણ વધારે પ્રચાર કરતી નથી
• ચાલુ રોડ શોએ વાહનમાંથી નીચે ઉતરી ગયા, 
• ઘટનાનો વીડિયો વાયરલ, ભાજપને ટીએમસીની મજાક ઉડાવવાની તક મળી

બશીરઘાટમાં ટીએમસીના પ્રચારમાં આવેલા નુસરત જહાએ 1 કલાક સુધી રોડ શો કર્યો હતો. રોડ શો દરમિયાન ભારે ભીડને કારણે તેમનું વાહન ફસાયું હતું. આ જોઈને તેઓ ગુસ્સે થયા હતા અને  બોલ્યાં કે હું એક કલાક સુધી પ્રચાર કરી રહી છું. આટલો તો હું મુખ્યમંત્રી માટે પણ કરતી નથી. આટલું કહીને તેઓ વાહન પરથી નીચે ઉતરી ગયા હતા. 

હકીકતમાં ટીએમસીના એક કાર્યકરે નુસરતને મેઈન રોડ સુધી રોડ શો લઈ જવાની વિનંતી કરી હતી. પાર્ટી કાર્યકર નુસરતે કહી રહ્યાં હતા કે મેઈન રોડ અહીંથી તદ્દન નજીક, અડધા કિલોમીટરના અંતરે છે.

TMC MP Nusrat Jahan " I can't do rally for more than 1 hour, I don't even do it for CM"😆 #MamataLosingNandigram pic.twitter.com/p0jOm4iy03

— BJP Bengal (@BJP4Bengal) March 28, 2021

નુસરતે પાર્ટી કાર્યકરની આ વિનંતી ઠુકરાવી દીધી હતી અને ગુસ્સે થઈને વાહન પરથી નીચે ઉતરી ગયા હતા તથા મુખ્યમંત્રીએ માટે આવું કહ્યું હતું. 

આ આખી ઘટનાનો વીડિયો વાયરલ થયો અને ભાજપને તો તેના  કટ્ટર વિરોધી ટીએમસીની મજાક ઉડાવવાનું એક હથિયાર હાથ લાગ્યું. બંગાળ ભાજપે 25 મિનિટના આ વીડિયોને ટ્વિટર પર શેર કરીને ટીએમસીની જબરી મજાક ઉડાવી. ભાજપે સાથે મમતા નંદીગ્રામમાં હારી રહ્યાં છે તેવું હેશટેગ પણ લગાડ્યું.