સંસદમાં વેસ્ટર્ન ડ્રેસ પહેરીને જવાને લઇને સોશિયલ મીડિયા પર ટીકાઓનો શિકાર બનેલી તૃણમૂલ કોંગ્રેસની નવી નિમાયેલી સાંસદ મિમી ચક્રવર્તીએ કહ્યું કે 'એ વધારે બોલવામાં નહીં પરંતુ કરવામાં' વિશ્વાસ કરે છે. એને ઑનલાઇન ટ્રોલ્સને એવું કહી દીધું કે આવા લોકો પાસે કરવા માટે કંઇ છે નહીં. ફિલ્મોથી રાજકારણમાં આવેલી બંગાળી અભિનેત્રીને એક અન્ય એક્ટ્રેસથી રાજનેતા બનેલી નુસરત જહાંની સાથે સાંસદની સામે પશ્વિમી કપડાં પહેરેલો ફોટો પોસ્ટ કરવા પર ખરાબ રીતે ટ્રોલ કરવામાં આવી છે. મિમિએ સોમવારે જહાંને ટેગ કરતાં ટ્વિટ કર્યું, 'અને અમે ફરીથી... સંસદમાં નુસરત જહાંનો પહેલો દિવસ' ફોટામાં બંને પોતાના ઓળખ પત્ર દેખાડતા નજરે આવી રહી છે.
And its us again
— Mimssi (@mimichakraborty) May 27, 2019
1st day at Parliament @nusratchirps pic.twitter.com/ohBalZTJCV
મિમીએ વાતચીતમાં કહ્યું કે એને લોકોનો ભરપૂર પ્રેમ મળ્યો છે. એને કહ્યું કે જો એક મહિલા સાંસદના કપડાંની પસંદ તીખી વિવાદનો વિષય બની જાય છે, તો મહિલા સશક્તિકરણની તમામ વાતો બકવાસ છે. લોકો માત્ર સમાનતાની વાત કરવાનું પસંદ કરે છે, પરંતુ એમના માટે કોઇ પણ ફેરફાર જોવો મુશ્કેલ છે. મિમીએ કહ્યું કે આ ખુશીની વાત છે કે 2019માં લોકસભામાં મોટી સંખ્યામાં મહિલાઓ હશે. એને કહ્યું કે, 'આપણે 33 ટકા મહિલા પ્રતિનિધિત્વ માટે લડાઇ ચાલુ રાખીશું. મને ખુશી છે કે તૃણમૂલે આ ચૂંટણીમાં 41 ટકા મહિલા ઉમેદવારોને ઊતારી.'
ટીકાઓને નજરઅંદાજ કરતાં મિમીએ કહ્યું કે એ સંસદમાં પોતાના કામ કરવાની રાહ જોઇ રહી છે અને એને નક્કી કરી લીધું છે કે એને કયા ક્ષેત્ર પર પહેલા ફોકસ કરવાનું છે. એને કહ્યું કે પાણી સમસ્યા દૂર કરવા પર ધ્યાન આપવું એની પ્રાથમિકતા હશે. જાદવપુરથી સાંસદ તરીકે પસંદ થયેલી મિમીને ઑનલાઇન યૂઝર્સ દ્વારા એવું કબીને ટાર્ગેટ કરવામાં આવ્યો કે સંસદ કોઇ ફિલ્મનો સેટ નથી, જ્યારે અન્યએ એને નાટક નહીં કરવા અને બંગાળને શરમજનક નહીં કરવાની સલાહ આપી દીધી.
