TJMM બોક્સ ઓફિસ / 'પઠાણ' બાદ રણબીર-શ્રદ્ધાની 'તુ જૂઠી મેં મક્કાર' મચાવી રહી છે ધૂમ, કલેક્શનનો આંકડો 200 કરોડને પાર

•  'તુ જૂઠી મેં મક્કાર' ફિલ્મે 200 કરોડ ક્લબમાં એન્ટ્રી કરી 
• ફિલ્મ  2023ની હોળી પર રિલીઝ કરવામાં આવી હતી 
• મેકર્સે શેર કર્યા કલેક્શનના આંકડા 

TJMM box office collection : રણબીર કપૂર અને શ્રદ્ધા કપૂરની રોમ-કોમ ફિલ્મ 'તુ જૂઠી મેં મક્કાર' શાહરૂખ ખાન સ્ટારર ફિલ્મ 'પઠાણ' પછી 2023ની બીજી બ્લોકબસ્ટર બનવા માટે તૈયાર છે. જણાવી દઈએ કે ફિલ્મને દર્શકો તરફથી ખૂબ જ સારો પ્રતિસાદ મળ્યો છે અને રણબીર અને શ્રદ્ધાની જોડીની પણ સ્ક્રીન પર પ્રશંસા કરવામાં આવી છે. 'પ્યાર કા પંચનામા' ફેમ લવ રંજન દ્વારા નિર્દેશિત 'તુ જૂઠી મેં મક્કાર' બોક્સ ઓફિસ પર મજબૂત પકડ બનાવી છે સાથે જ 200 કરોડ ક્લબમાં એન્ટ્રી પણ કરી છે. 

 'તુ જૂઠી મેં મક્કાર' ફિલ્મે 200 કરોડ ક્લબમાં એન્ટ્રી કરી 
રણબીર કપૂર અને શ્રદ્ધા કપૂર સ્ટારર લવ રંજનનું કોમેડી ડ્રામા 'તુ જૂઠી મેં મક્કાર'  2023ની હોળી પર રિલીઝ થયું હતું ત્યારથી આ ફિલ્મે થિયેટરોમાં પ્રભુત્વ જમાવ્યું છે. ફિલ્મના ગીતો અને સંવાદો લોકોને પસંદ આવ્યા હતા. રણબીર અને શ્રદ્ધાની આ ફિલ્મે શરૂઆતના દિવસોમાં બોક્સ ઓફિસ પર સારી કમાણી કરી હતી અને ભૂતકાળમાં તેની કમાણી ઘટી હતી પણ તેમ છતાં આ ફિલ્મે હવે વર્લ્ડવાઈડ 200 કરોડ રૂપિયાનો આંકડો પાર કરી લીધો છે. 

#TuJhoothiMainMakkaar crosses a love worth more than 200 Crore! 😍
Thankyou for your immense support. ❤️#RanbirKapoor @ShraddhaKapoor @luv_ranjan #AnshulSharma @modyrahulmody @gargankur #BhushanKumar @LuvFilms @TSeries @ipritamofficial @OfficialAMITABH @BoneyKapoor pic.twitter.com/i7nKDKWbGu

— Luv Films (@LuvFilms) March 29, 2023

મેકર્સે શેર કર્યા કલેક્શનના આંકડા 
જણાવી દઈએ કે લવ ફિલ્મ્સે ટ્વિટર પર ચાહકો સાથે આ સારા સમાચાર શેર કર્યા છે. નિર્માતાઓએ જણાવ્યું કે લવ રંજન દ્વારા નિર્દેશિત ફિલ્મે 8 માર્ચે રિલીઝ થયા બાદ વિશ્વભરમાં કુલ 201 કરોડ રૂપિયાનું કલેક્શન કર્યું છે. ' સાથે જ એમને એ માહિતી પણ આપી હતી કે ફિલ્મે દેશમાં 161 કરોડ રૂપિયા કલેક્શન કર્યું છે. જણાવી દઈએ કે પહેલા દિવસે ફિલ્મે 14 થી 15 કરોડની કમાણી કરી હતી. જો કે વિકેન્ડ પર ફિલ્મનું કલેક્શન વધતું ગયું અને પહેલા વીકએન્ડના અંત સુધીમાં ફિલ્મે 70 કરોડનો આંકડો પાર કરી લીધો હતો. 

'તુ જૂઠી મેં મક્કાર' ફિલ્મમાં રોમાન્સ, કોમેડી અને ઈમોશન્સ છે. આવી સ્થિતિમાં આ ફિલ્મ સિનેમાઘરોમાં જોવા મળી શકે છે. ફિલ્મની સાથે તેના ગીતો પણ હિટ થયા છે. ફિલ્મમાં રણબીર-શ્રદ્ધા ઉપરાંત અનુભવ સિંહ બસ્સી, ડિમ્પલ કાપડિયા, બોની કપૂરની પણ મહત્વની ભૂમિકા છે. આ સિવાય કાર્તિક આર્યન અને નુસરત ભરૂચાનો કેમિયો પણ છે.