દિલ્હી હાઇકોર્ટે વકીલોની વિરુદ્ધ કાર્યવાહી પર પોતાનું વલણ ન બદલતા બુધવારે દિલ્હી પોલીસને ઝટકો આપ્યો. કોર્ટે સ્પષ્ટ કહ્યું કે વકીલો વિરુદ્ધ દંડાત્મક કાર્યવાહી કરવામાં નહીં આવે. આ ઉપરાંત દિલ્હી પોલીસની બીજી અરજી પણ ફગાવી દીધી છે. તેમા સાકેત કોર્ટવાળી ઘટના પર એફઆઇઆર નોંધવાની મંજુરી માંગી હતી.
દિલ્હી હાઇકોર્ટે દિલ્હી પોલીસને ઝટકો આપ્યો
કોર્ટે કહ્યું, વકીલો વિરુદ્ધ દંડાત્મક કાર્યવાહી કરવામાં નહીં આવે
સુનાવણીમાં વકીલોની તરફથી દિલ્હી પોલીસ પર નવા આરોપ લગાવાયા
હાઇકોર્ટે કહ્યું કે 3 નવેમ્બરના આદેશમાં સ્પષ્ટીકરણની કોઇ જરૂર નથી કેમકે તે પહેલાથી જ સ્પષ્ટ છે.
નોંધનીય છે કે વકીલો અને પોલીસ વચ્ચે ટકરાવને પગલે કેન્દ્ર સરકાર દિલ્હી હાઇકોર્ટ પહોંચી હતી. તેમા ગૃહ મંત્રાલયે કોર્ટથી 3 નવેમ્બરે જાહેર કરવામાં આવેલ આદેશ પર સ્પષ્ટતા માંગી હતી. મંત્રાલયે કોર્ટમાં અપીલ કરી હતી કે વકીલો વિરુદ્ધ કાર્યવાહી ન કરવા સંબંધિત આદેશ ત્યારબાદની ઘટનાઓ પર લાગૂ ન થવો જોઇએ. પરંતુ કોર્ટે આમ આદેશ ન આપ્યો.
દિલ્હીમાં હાઇ ડ્રામા
સુનાવણીમાં વકીલોની તરફથી દિલ્હી પોલીસ પર નવા આરોપ લગાવાયા છે. આરોપ છે કે સીનિયર પોલીસ જવાનોએ વકીલો માટે ખોટી ભાષાનો ઉપયોગ કર્યો હતો. તેના પર એક્શન લેવાય. વકીલ પક્ષે તે વકીલને ઓળખવાથી પણ ઇનકાર કર્યો છે જેનો વીડિયો વાયરલ થયો હતો. વીડિયોમાં એક વ્યક્તિ પોલીસ જવાનની મારપીટ કરી રહ્યો હતો. તેને વકીલ બતાવાઇ રહ્યો હતો.
Delhi High Court also dismisses another application of Police seeking permission to lodge FIR against lawyers in Saket District Court incident https://t.co/0YdCuOiNsD
વકીલ પક્ષે કોર્ટમાં આરોપ લગાવ્યો છે કે પોલીસ પોતાના અધિકારોનો ખોટો ઉપયોગ કરી રહી છે. વકીલો માટે ખોટી ભાષાનો ઉપયોગ કરનાર પોલીસ જવાનો વિરુદ્ધ પોલીસ તાત્કાલિક એક્શન લે તેવી માંગ કરાઇ છે. નોંધનીય છે કે, આ પહેલા આજે વકીલોએ દિલ્હીની જિલ્લા કોર્ટમાં પ્રદર્શન કર્યું હતું.