આસ્થા સાથે ચેડાં / તિરુપતી મંદિરના લાડૂમાં પશુ ચરબી, માછલી-પામ તેલની ભેળસેળની વાત સાચી પડી, રિપોર્ટમાં પુષ્ટિ

તિરુપતી મંદિરના લાડૂના પ્રસાદમાં શુદ્ધ ઘીને બદલે પશુની ચરબી, માછલી ઓઈલ અને પામ તેલની મિલાવટ થઈ છે. નેશનલ ડેરી ડેવલપમેન્ટ બોર્ડ (NDDB)ના રિપોર્ટમાં આ ભેળસેળનો ખુલાસો થયો છે. આંધ્ર પ્રદેશના મુખ્યમંત્રી ચંદ્રબાબુ નાયડુએ સૌથી પહેલા દાવો ભેળસેળનો દાવો કર્યો હતો જે હવે સાચો પડ્યો છે.

રિપોર્ટમાં શું બહાર આવ્યું?

તિરુપતિ મંદિર સાથે સંબંધિત એક ચોંકાવનારો અહેવાલ બહાર આવ્યો હતો, જેમાં કહેવામાં આવ્યું હતું કે ઘીના નામે જે ઘટકોનો ઉપયોગ કરવામાં આવી રહ્યો છે તેમાં પ્રાણીઓની ચરબી (બીફ ટેલો), માછલીનું તેલ અને પામ તેલના અંશો જોવા મળ્યાં છે. લાડુમાં જે ઘીનો ઉપયોગ કરવામાં આવે છે તે શુદ્ધ ઘી નથી. તેના બદલે તેમાં વિવિધ પ્રકારની ભેળસેળ કરવામાં આવી રહી છે, જેમાં માછલીનું તેલ, પ્રાણીની ચરબી અને પામ તેલનો સમાવેશ થાય છે.

ચંદ્રબાબુ નાયડુનો શું હતો દાવો?

સીએમ ચંદ્રબાબુ નાયડુએ એવો આરોપ લગાવ્યો હતો કે અગાઉની YSR કોંગ્રેસ સરકાર દ્વારા તિરુપતિ મંદિરના લાડુમાં ભેળસેળ કરાઈ છે અને તેની ગુણવત્તામાં ઘટાડો કરાયો છે. તેમણે કહ્યું કે શુદ્ધ ઘીની જગ્યાએ ભેળસેળયુક્ત અને હલકી ગુણવત્તાવાળી ચીજો વપરાઈ છે જે આ પવિત્ર પ્રસાદની ગુણવત્તા અને શુદ્ધતા પર સવાલો ઉભા કરે છે.

વધુ વાંચો : VIDEO : 'આઈ લવ યુ', નવમા ધોરણની છોકરીને મેસેજ મોકલ્યો, પછી આવી છોકરાની 'શામત'

તિરુપતિ બાલાજી મંદિર મહત્વપૂર્ણ ધાર્મિક સ્થળ

તિરુપતિ બાલાજી મંદિર સમગ્ર વિશ્વમાં એક મહત્વપૂર્ણ ધાર્મિક સ્થળ છે, જ્યાં દર વર્ષે લાખો ભક્તો દર્શન માટે આવે છે. લોકો લાડૂના પ્રસાદમાં ઊંડી ધાર્મિક આસ્થા ધરાવે છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ