તમે જાણો છો કે કપડાંની સફાઇની સાથે સાથે તેની ક્વોલિટી પણ સારી રહે તે આવશ્યક છે. તમે જ્યારે વોશિંગ મશીનમાં કપડાં ધૂઓ છો ત્યારે થોડી સાવચેતી રાખશો તો તમારું કામ સરળ બનશે. જાણી લો કેટલીક ટિપ્સ જે તમારા કપડાંને સારા રાખે છે અને તમારા કામને પણ સરળ બનાવે છે.
અનેક વોશિંગ મશીનમાં જણાવાય છે કે સાદા ડિર્ટજન્ટની સાથે અડધી ચમચી મશીનનો ડિર્ટજન્ટ મિક્સ કરો. જે અલગથી ખરીદવાનો હોય છે. અનેકવાર મહિલાઓ વિચારે છે કે તેની શું જરૂર છે. આ વિચાર ખોટો છે. તેનાથી જ કપડાં વધારે સારી રીતે સાફ થાય છે.
વોશિંગ મશીનની અંદરનું ડ્રમ પણ સાફ કરતા રહો જેથી મશીન સાફ રહે. તેમાં અનેક નાના કાણાં હોય છે. તેમાં કીટાણુઓ જામે છે. યોગ્ય ઉપાય એ છે કે મહિને એકવાર ખાલી મશીન ચલાવી લો. તેને માટે ડિશવોશર ટેબલેટ અને ગરમ પાણીનો ઉપયોગ કરો.
કપડાં ધોતા પહેલાં તેને અલગ કરો. વધારે ગંદા કપડાંને અલગથી ધૂઓ, ગરમ અને સુતરાઉ કપડાંને અલગ રાખો. શર્ટ, પેન્ટ અને સુતરાઉ કુરતાને અલગ અને ચાદરો, ટુવાલ અને નાઇટ સુટને અલગથી ધૂઓ. બધા કપડાં એક સાથે મશીનમાં નાંખી દેવા યોગ્ય નથી.
મશીનમાં કપડાં નાંખવાની એક રીત છે. જેમકે પહેલાં મોટા કપડાં અને છેલ્લે નાના કપડાં નાંખો. કપડાંની ગડી ખોલીને નાંખો નહીં તો મશીન ભરાઇ જશે અને ફસાઇ કે ફાટી જવાનો ડર રહેશે.
કોઇપણ નવું કપડું નાંખતા પહેલાં ચેક કરી લો કે તેનો કલર તો નથી ઉતરી રહ્યોને. જો તેનો કલર ઉતરવાનો હોય તો તેને અલગ રાખો. તે તમારા બધા કપડાં ખરાબ કરી શકે છે.
કપડાંના મટિરિયલ અનુસાર સર્ફ કે સાબુનો ઉપયોગ કરો. વધારે ડિર્ટજન્ટનો ઉપયોગ ગરમ કે સુતરાઉ કપડાંને નુકશાન કરે છે.
મશીનમાં જેટલો જણાવ્યો હોય તેટલો જ ડિર્ટજન્ટ નાંખો. તેનાથી વધારે સાબુ મશીનને નુકશાન કરી શકે છે.
ડિર્ટજન્ટ નક્કી કરતાં ધ્યાન રાખો કે પાઉડર વાપરવો છે કે લિક્વિડ ડિર્ટજન્ટ જે વધારે મોંઘો હોય છે. જો તમે કપડાં ધોવા ઠંડું પાણી વાપરો છો તો તે સરળતાથી મિક્સ થઇ જાય છે. મુલાયમ કપડાં ધોવા માટે લિક્વિડ ડિર્ટજન્ટ વાપરો.
ડિર્ટજન્ટના ઉપયોગ સમયે ફેબ્રિકનું પણ ધ્યાન રાખો. બાળકોની સ્કીન સંવેદનશીલ હોય છે. સફેદ કપડાંની સફાઇ માટે બ્લીચવાળા ડિર્ટજન્ટ વાપરો અને રંગીન કપડાં માટે એવો સાબુ વાપરો જેનાથી કપડાંમાં ચમક આવે.
વોશિંગ મશીનમાં કપડાં ધોતી સમયે પહેલાં ડિર્ટજન્ટ નાંખો અને પછી કપડાં. કપડાં પર સાબુ નાંખવાથી તે કપડાંમાં ચોંટી જવાની શંકા રહે છે અને સાથે કપડાંના કલર અને ક્વોલિટીને નુકશાન થઇ શકે છે.
વોશિંગ મશીનમાં કપડાં નાંખતાં પહેલાં તેની પર લાગેલા ડાઘાને સરળતાથી સાફ કરો. તેને સીધા મશીનમાં ધોવાથી ડાઘ વધારે દેખાય છે.
મશીન સેમીઓટોમેટિક છે તો કપડાં ધોવાઇ જશે ત્યારે એલાર્મ વાગે છે. ત્યારે કપડાંને પાણીથી કાઢીને ડ્રાયરમાં નાંખો. તેમાં 5-10 મિનિટ લાગે છે. ત્યાર બાદ કપડાં સૂકવવા માટે નાંખો.
કપડાં ધોયા બાદ વોશિંગ મશીનનું ડિર્ટજન્ટ બોક્સ સાફ કરવું જરૂરી છે. તેમાં વધેલો પાવડર કાઢી લો અને તેને સાફ કરો. શક્ય હોય તો બોક્સને બહાર કાઢીને ટૂથબ્રશથી સાફ કરો.