તમારો પ્રેગ્નેન્સી પીરિયડ હેલ્ધી અને હેપ્પી રહે, સાથે જ આવનારું બાળક પણ સ્વસ્થ રહે તે માટે અમે અહીં જણાવી રહ્યાં છે બેસ્ટ ટિપ્સ. આજના કોરોના કાળમાં આ રીતે રાખો ધ્યાન.
પ્રેગ્નેન્ટ મહિલાઓ માટે ખાસ ટિપ્સ
રોગોથી બચવા અને હેલ્ધી રહેવા અપનાવો આ ઉપાય
આવનારા બાળકને હેલ્ધી રાખવામાં કરશે મદદ
ગર્ભાવસ્થા એવો સમય છે જ્યારે દરેક મહિલાને સારાં પોષણની જરૂર હોય છે. આ સમયે યોગ્ય પોષણ ભ્રૂણના વિકાસ અને માને સ્વસ્થ રાખવા માટે જરૂરી છે. ગર્ભાવસ્થામાં બોડીમાં વિટામિન્સ અને મિનરલ્સની કમી ન થાય તેનું ખાસ ધ્યાન રાખવું જરૂરી છે. ગર્ભાવસ્થા દરમ્યાન યોગ્ય ડાયટ ચાર્ટ બનાવવો અને તેનું પાલન કરવું જરૂરી છે. ગર્ભવતી મહિલાઓ માટે પૂરતાં પ્રમાણમાં પોષણ મળી રહે. આ સાથે મહામારીના આ સમયમાં ગર્ભસ્થ મહિલાઓએ ખાસ ધ્યાન રાખવું જોઈએ.
બેસ્ટ ટિપ્સ
ગર્ભાવસ્થા દરમ્યાન રોજ મહિલાઓને ન્યૂટ્રિઅન્ટ્સની જરૂરિયાત વધતી જાય છે. જેથી માએ પૂરતા પોષણવાળો આહાર લેવો ખૂબ જ જરૂરી છે. જેમાં સૌથી બેસ્ટ છે ઘરનો તાજો અને પચવામાં સરળ રહે એવો ખોરાક ખાવો. જી હાં, હેવી ખોરાક ખાવાનું ટાળવું જોઈએ.
ગર્ભાવસ્થા દરમ્યાન માએ દરેક ગ્રુપના આહારને ડાયટમાં સામેલ કરવું. જેથી બધાં પ્રકારના ન્યૂટ્રિઅન્ટ્સ મળી રહે. કાર્બોહાઈડ્રેટ્સ, પ્રોટીન, વિટામિન અને મિનરલ્સ, ડેરી પ્રોડક્ટ્સ ડાયટમાં સામેલ કરવા. આ સમયે જંકફૂડ અને બહારનો ખોરાક ખાવો નહીં. નહીંતર તેનાથી વજન વધશે અને શરીરમાં પોષક તત્વોની કમી પણ આવી શકે છે.
સામાન્ય રીતે ગર્ભાવસ્થા દરમ્યાન ભરપૂર ઘી ખાવાની સલાહ આપવામાં આવે છે. જોકે ઘી ફાયદાકારક પણ છે. પણ જો તેને સીમિત માત્રામાં ખાવામાં આવે. નહીંતર તેનાથી વજન વધે છે અને પછી ડિલીવરી બાદ વજન ઉતારવું મુશ્કેલ બની જાય છે. આ દરમ્યાન સક્રિય રહેવું અને સ્વાસ્થ્યવર્ધક આહાર ખાવો.
ગર્ભાવસ્થા દરમ્યાન ભૂખ વધુ લાગે છે. જેથી આ સમસ્યા મહિલાઓ જંક ફૂડ અને અનહેલ્ધી આહાર ખાવું ગમે છે. આવા આહારમાં કાર્બોહાઈડ્રેટ્સ અને ચરબી હોય છે અને પોષક તત્વો હોતા નથી. જેથી આ સમયે જે ખાઓ તેની પર ધ્યાન આપો. જે પણ ખાઓ હેલ્ધી અને ઘરનું જ ખાઓ.
જો આ સમયે તમારા બાળક અને તમારા સ્વાસ્થ્ય માટે જરૂરી કેટલીક વસ્તુઓ તમને ખાવી પસંદ ન હોય તો તમારી ડાયટિશિયનની સલાહ લઈને તેનો કોઈ વિકલ્પ શોધી લો. જેથી તમને પૂરતા પ્રમાણમાં પોષક તત્વો મળી રહે છે.
આખા દિવસમાં 2-3વાર પેટ ભરીને ખાવાની જગ્યાએ દર 2 કલાકે થોડું-થોડું ખાઓ. આવું કરવાથી પાચન સંબંધી સમસ્યાઓ નહીં થાય. ડોક્ટરની સલાહ લઈને હળવો વ્યાયામ કરો, વોક કરો. જેનાથી શરીરમાં હોર્મોનનું સંતુલન જળવાય રહે અને ગર્ભાવસ્થા દરમ્યાન મા અને બાળક બંને હેલ્ધી રહે.