હાલ દેશમાં લોકડાઉન ચાલી રહ્યું છે, જેથી મહિલાઓ પુરૂષો બ્યૂટી પાર્લર કે સલૂન જઈ નથી શકી રહ્યાં. જેથી ઘણી બ્યૂટી ટ્રીટમેન્ટ, હેર કટ વગેરેથી તેમને વંચિત રહેવું પડી રહ્યું છે. જોકે, ઘણી મહિલાઓ, યુવતીઓ કે પુરૂષો એવા પર હશે જેમણે ફેશન માટે વાળમાં કલર કરાવ્યો હશે અને લોકડાઉનને કારણે ટચ અપ માટે જઈ ન શકાતા તે ખૂબ જ ખરાબ લાગી રહ્યો હશે કે આછો થઈ ગયો હશે. તો તેના માટે તમારે ઘરે જ નેચરલી કઈ રીતે વાળમાં લાગેલો કલર દૂર કરવો તેવા ઉપાય અમે તમને જણાવીશું. આ ઉપાય ઘરની જ વસ્તુઓથી નેચરલી તમારા વાળમાં રહેલો કલર દૂર થઈ જશે અને તેની કોઈ જ આડઅસર પણ નહીં થાય.
લોકડાઉનને કારણે બ્યૂટી પાર્લર અને સલૂન છે બંધ
તો હેઅર ટ્રીટમેન્ટ માટે ઘરે જ કરો આ ઉપાય
વાળમાં લાગેલો કલર આ રીતે નેચરલી કરો દૂર
લીંબુનો રસ
લીંબુમાં સિટ્રસ એસિડ હોય છે. જો તમે તમારા વાળનો કલર દૂર કરવા માગો છો તો તેના માટે લીંબુનો રસ કાઢી લેવો. પછી ભીના વાળમાં લીંબુનો રસ લગાવવો. આ પ્રયોગ થોડા દિવસ રોજ કરવો. પછી એક-બે કલાક બાદ શેમ્પૂથી વાળ ધોઈ લેવા. આવું કરવાથી તમારા વાળનો કલર લાઈટ થઈ જશે.
નારિયેળ તેલ
નારિયેલ તેલનો પ્રયોગ વાળ માટે અનેક રીતે લાભકારી છે. તે વાળમાં લાગેલા કલરને હટાવીને વાળને કંડિશનિંગ કરે છે. તેના માટે તમારા કલરવાળા વાળમાં નારિયેળ તેલથી મસાજ કરો. તમે નવશેકું કરીને પણ તેલનો પ્રયોગ કરી શકો છો અને તેમાં લીંબુનો રસ પણ નાખી શકો છો.
સ્વીમિંગ કરો
જો તમે નેચરલી તમારા વાળમાં લાગેલા કલરને દૂર કરવા માગો છો તો તેના માટે તમે સ્વીમિંગ કરી શકો છો. તેનાથી વાળનો કલર લાઈટ થવા લાગશે. વધુ સારી અસર મેળવવા માટે તમે દરિયામાં પણ સ્વીમિંગ કરો છો.
ઓલિવ ઓઈલ
જો તમે હેયરમાં કલર કર્યો હોય અને તે ન ગમી રહ્યો હોય તો તેને દૂર કરવા માટે ઓલિવ ઓઈલનો આ ઉપાય કરી શકો છો. તેના માટે વાળમાં ઓલિવ ઓઈલથી મસાજ કરો અને પછી શાવર કેપ પહેરી લો. પછી 1 કલાક બાદ માત્ર પાણીથી માથું ધોઈ લો. આનાથી વાળમાં લાગેલો કલર આછો થશે અને વાળ મજબૂત પણ બનશે.
બેકિંગ સોડા
બેકિંગ સોડા એક પ્રાકૃતિક બ્લીચિંગ એજન્ટ છે. જેનો પ્રયોગ વાળમાં લાગેલા અણગમતા કલરને ધીરે-ધીરે દૂર કરે છે. તેના માટે તમારે હર્બલ શેમ્પૂમાં 1 ચમચી બેકિંગ સોડા મિક્સ કરવું અને તેને તમારા વાળમાં લગાવી થોડી વાર રાખવું અને પછી વાળ ધોઈ લેવા.