શિયાળાની સીઝનની ગુલાબી ઠંડી શરૂ થઇ રહી છે ત્યારે તમે પણ તમારા કબાટમાંથી તમારા સ્વેટર્સ, શોલ, સ્કાર્ફ અને જેકેટ કાઢી લીધા હશે. શક્ય છે કે તેમાં થોડી સ્મેલ આવી રહી હોય. તમે તેને એક દિવસ તડકે રાખો. આ સ્મેલ ગાયબ થઇ જશે. આજે અમે તમારા માટે કેટલીક સરળ ટિપ્સ લાવ્યા છીએ જે તમારા ગરમ કપડાં ધોવાના કામને સરળ બનાવે છે. આ નાની વાતો તમારા ઊની કપડાંને ચમક આપી તેનો રંગ પણ નિખારે છે.
ગરમ કપડાંની ચમક સાચવવા માટે કામની છે આ વોશિંગ ટિપ્સ
ગરમ કપડાં ધોવા લિક્વિડ સોપ વાપરો. ગરમ પાણીમાં ન ધોવો. તે ઊન ખરાબ કરે છે. ધોતા પહેલાં પલાળો અને મસળીને ધોવો. સૂકવતાં પહેલાં સારી રીતે નીચોવો.
વોશિંગ મશીનમાં ઊની કપડાં ધોવો છો તો હાર્ડ ડિર્ટજન્ટ ન વાપરો. બેબી શેમ્પૂનો ઉપયોગ કરો. ગરમ કપડાં ભૂલથી ડ્રાયરમાં ન નાંખો, તે ખરાબ થશે.
ગરમ કપડાંનો કલર ઉતરતો હોય તો લાઇટ અને ડાર્ક સ્વેટર્સ કે શોલ અલગ રાખો. તેનાથી ગરમ કપડાંની ચમક સચવાય છે અને સારા ધોવાય છે.
ગરમ કપડાંને નીચોવીને ઝાટકીને સૂકવો, ઊંધા કરીને તાર પર નાંખો, વધારે તડકામાં ન સૂકવો. તે રંગ ફેડ કરે છે. તેની સાઇડને થોડી વારે બદલતા રહો.
જો તમે હાથથી ગરમ કપડાં ધોવો છો તો તેને થોડીવાર સાબુને બદલે વિનેગરમાં પલાળો. તેનાથી રંગ અને ચમક આવે છે. તે હાથની મહેનત ઓછી કરે છે.
રોજ વપરાશમાં લેવાતા ગરમ કપડાં અઠવાડિયે એકવાર ધોવો. તે મેલું થાય તેની રાહ ન જોવો. ઠંડા પાણીમાં વૂલન ડિર્ટજન્ટ નાંખીને હાથથી ધૂઓ.