કેટલાક લોકો એવું માને છે કે વજન ઉતારવું બહુ જ અઘરું હોય છે, પણ હેલ્ધી રીતે વજન વધારવું, ફેટ ન વધવા દેવું અને પરફેક્ટ બોડી મેળવવી પણ બહુ જ મુશ્કેલ છે. જેના માટે ખાવા-પીવામાં ખાસ ધ્યાન આપવું પડે છે. એમાંય હેલ્ધી રીતે વજન વધારવું અત્યંત જરૂરી છે. જેથી આજે અમે તમને વજન વધારવા માટે બેસ્ટ, સરળ અને ઈફેક્ટિવ ડાયટ પ્લાન વિશે જણાવીશું. જેનાથી તમે હેલ્ધી રીતે વજન વધારી શકો છો. આ ટિપ્સ છોકરા અને છોકરીઓ બંને માટે કારગર છે.
વજન વધારવા માટે ડાયટમાં સાબૂત અનાજને સામેલ કરો. ડાયટમાં લીલા શાકભાજી, સિઝનલ ફળ, રોજ ભોજનમાં હાઈ કેલોરીયુક્ત ખાદ્ય પદાર્થને સામલે કરો. ઉચ્ચ પોષણયુક્ત આહારને નિયમિત ડાયટમાં સામેલ કરવાથી સરળતાથી વજન વધારી શકાય છે.
જે-તે ખાઈને વજન વધારી લેવું અને પછી શરીર બેડોળ થઈ જાય. જો તમે તમારા પાતળા શરીરથી પરેશાન છો તો યોગ્ય માત્રામાં પ્રોટીન, વિટામિન, ફાઈબર અને મિનરલનું સેવન કરો. જેથી તમે સરળતાથી વજન વધારી શકો છો
વજન વધારવા માટે માટે જન્ક ફૂડ ખાવાની ભૂલ ન કરવી. જન્ક ફૂડ શરીરમાં ચરબી વધારે છે, મસલ્સ નહીં.
ઘી-તેલ કે બટર ભરપૂર ખાવાથી ઝડપથી વજન વધશે એ જરૂરી નથી. જે ખોરાકમાંથી પ્રોટીન મળે એવા સિંગ-ચણા વજન વધારવા માટે ઉત્તમ છે.
વજન વધારવા માટે મસલ્સ બને એ જરૂરી છે અને મસલ્સ બનાવવા માટે પ્રોટીન ઈનટેક વધારવો જોઈએ. તેના માટે તમે ડાયટમાં દૂધ, દહીં, છાશ, પનીર કે વેજ સૂપમાં પણ મગની કે તુવેરની દાળ લઈ શકો છો.
જે લોકોને વજન વધારવું હોય તેમણે ભૂખ લાગે ત્યારે દૂધ, કેળાં, સિંગ-ચણા અને ગોળ, અખરોટ, બદામ, પિસ્તા, અંજીર, ખજૂર જેવાં ડ્રાયફ્રૂટ્સ ખાવ જોઈએ. જે ખાઓ એ ચાવી-ચાવીને ખાવું.
સવારનો બ્રેકફાસ્ટ ક્યારેય ટાળવો નહીં. બ્રેકફાસ્ટમાં ડ્રાયફ્રૂટ્સ અને મિલ્ક શેકની સાથે ઉપમા, પૌંઆ કે ખાખરા લઈ શકાય.
બપોરના જમવામાં દાળ, ભાત, શાક, રોટલી, કઠોળ, સલાડ અને છાશ લેવી. એકસાથે ન ખવાય તો પહેલાં શાક-રોટલી ને છાશ લેવું. બે કલાક પછી દાળ-ભાત ને સલાડ ખાઓ.
સાંજે ફળોનો જ્યૂસ, મિક્સ વેજ સૂપની સાથે નાસ્તો જેમ કે ઇડલી, ઢોકળાં, સેન્ડવિચ લઈ શકાય છે.
રાતના જમવામાં પરાઠા અને પનીરનું શાક અથવા વેજિટેબલ પુલાવ અને સૂપ અથવા ખીચડી-શાક અને દૂધ ખાઈ શકો છો. હેલ્ધી વજન વધારવા માટે વધુ પડતું ઘી કે તેલ લેવાનું ટાળવું.
વજન વધારવા માટે રાત્રે સૂતી વખતે એક ગ્લાસ દૂધમાં મધ ઉમેરીને નિયમિત પીવો.જો આ પ્રયોગ તમે નિયમિત અપનાવશો તો ચોક્કસ વજનમાં વધારો થશે. વજન વધારા માટે હાઇ કેલેરી, હાઈ પ્રોટીન યુક્ત ડાયટ ચાર્ટ બનાવો.
દુબળી પાતળી મહિલાઓને ભૂખ ઓછી લાગતી હોય છે. આ માટે ભૂખ લગાડે તેવા ઉપાયને ફોલો કરો. જમ્યા પહેલા ભૂખને ઉઘાડવા માટે સૂપનું સેવન કરવાની આદત પાડો. આદુ પણ ભૂખને ઉઘાડે છે. જમ્યાના થોડા સમય પહેલા આદુની કટકીને થોડી નમક મરી છાંટીને ખાવો, જેનાથી ભૂખ ઉઘડશે અને તમે વ્યવસ્થિતિ જમી શકશો. જો એક સાથે પેટભરીને ભોજન ન લઇ શકતા હો તો. સમયના થોડા-થોડા અંતરે કંઇક ખાવાની આદત પાડો.