ઉનાળાની આ સિઝનમાં જો તમે તમારા ઘર કે ઓફિસ માટે નવું એસી ખરીદવા જઈ રહ્યા છો તો આ વાતોનું ખાસ ધ્યાન રાખો.
AC ખરીદતા પહેલા આ વસ્તુુનું રાખો ધ્યાન
બાદમાં નહીં પડે કોઈ મુશ્કેલી
બિલ અને ભાવમાં થશે ફાયદો
કાળઝાળ ગરમીમાં ઘરને મિનિટોમાં ઠંડુ કરી દે તેવું કોઈ ડિવાઈસ હોય તો તે છે AC. જો તમે પણ તમારા ઘર માટે નવું AC ખરીદવા જઈ રહ્યા છો તો પહેલા અહીં ધ્યાન આપો. આજે અમે તમને કેટલીક મહત્વપૂર્ણ બાબતો વિશે જણાવવા જઈ રહ્યા છીએ જેનું તમારે AC ખરીદતી વખતે ધ્યાન રાખવું જોઈએ.
કયા પ્રકારનું AC લેવું જોઈએ?
સૌથી પહેલા તો એ જાણી લો કે તમને માર્કેટમાં બે પ્રકારના AC મળશે. એક વિન્ડો એસી અને સ્પ્લિટ AC. જો તમે તમારા ઘર માટે લો-મેઈન્ટેનન્સ AC ખરીદવાનું વિચારી રહ્યા છો. તો તમારે વિન્ડો AC ખરીદવું જોઈએ કારણ કે તે વાપરવામાં સરળ છે અને સ્પ્લિટ AC કરતાં ઘણું સસ્તું છે. જો કે વિન્ડો AC ખૂબ અવાજ કરતા હોય છે અને તેના ઇન્સ્ટોલેશન માટે મજબૂત દિવાલોની જરૂર પડે છે.
સ્પ્લિટ AC ખરીદતી વખતે ધ્યાનમાં રાખો કે ઇન્સ્ટોલેશન અને મેન્ટેનન્સનો ખર્ચ ઘણો વધારે છે. તે વિન્ડો ACની તુલનામાં અવાજ નથી કરતું અને તેને કોઈપણ દિવાલ પર સરળતાથી લગાવી શકાય છે.
ACની ક્ષમતા કેટલી હોવી જોઈએ
યોગ્ય AC ખરીદતી વખતે સૌથી પહેલા એ વાત પર ધ્યાન આપો કે તમારા ACની કેપેસિટી કેટલી હોવી જોઈએ. જો તમે વિચારી રહ્યા હોવ કે યોગ્ય ક્ષમતા કેવી રીતે શોધી શકા? તો તમને જણાવી દઈએ કે તમારા રૂમની સાઇઝ, તેનું સામાન્ય તાપમાન અને રૂમની દિવાલોની સંખ્યા, ACની કેપેસિટી આના આધારે પસંદ કરવામાં આવે છે.
શું ACથી થઈ શકે છે વીજળીની બચત?
નવું AC લેતી વખતે તે કેવી એનર્જી રેટિંગ સાથે આવે છે તે જોવું પણ ખૂબ જ મહત્વપૂર્ણ છે. પાંચ સ્ટારમાંથી ACને જેટલા સ્ટાર આપવામાં આવે છે તે તેટલી જ વધુ વીજળી બચાવે છે. સારી એનર્જી રેટિંગ ધરાવતું AC તમારા વીજળીના બિલને વધારે વધવા દેશે નહીં. એનર્જી રેટિંગ પ્રમાણે AC લેવું ખૂબ જ ફાયદાકારક સાબિત થાય છે.
ઇન્વર્ટર AC અને નોન-ઇન્વર્ટર AC વચ્ચે શું છે તફાવત?
જ્યારે પણ તમે AC લો છો ત્યારે તમને કહેવામાં આવશે કે AC ઇન્વર્ટર અથવા નોન-ઇન્વર્ટર AC હોઈ શકે છે. ચાલો જાણીએ કે બંને વચ્ચે શું તફાવત છે. જો તમે નોન-ઇન્વર્ટર AC લો છો તો તેનો અર્થ એ છે કે તેનું કોમ્પ્રેસર એક નિશ્ચિત ઝડપે કામ કરે છે અને તેને ચાલુ કરી શકાય છે અથવા તો બંધ કરી શકાય છે. ઇન્વર્ટર AC વધુ મોંઘા હોય છે પરંતુ તેમાં ACનું તાપમાન નિયંત્રિત કરવું ખૂબ જ સરળ બની જાય છે અને તેના દ્વારા ACનો ઉપયોગ કોઈપણ મુશ્કેલી વિના કરી શકાય છે.
આ બાબતોને ધ્યાનમાં રાખીને જો તમે AC ખરીદો છો તો અમે આશા રાખીએ છીએ કે તમે તમારી જરૂરિયાત મુજબનું AC ખરીદી શકશો.