ખાસ વાંચજો / નવી પ્રોપર્ટી ખરીદ્યા પહેલા આટલી વાતોનું રાખો ખાસ ધ્યાન, જો જો પછી પસ્તાવું ન પડે

• પ્રોપર્ટી ખરીદ્યા પહેલા આ વાતોનું રાખો ધ્યાન 
• નહીં તો બાદમાં થશે મુશ્કેલીઓ 
• જાણો કઈ વાતોનું રાખશો ધ્યાન 

પ્રોપર્ટી ખરીદ્યા પહેલા અમુક વાતોનું ખાસ ધ્યાન રાખવું જોઈએ. નહીં તો તમે બાદમાં મોટી મુશ્કેલીમાં પડી શકો છો. અમે તમને આજે એવી જ અમુક બાબતો વિશે જણાવવા જઈ રહ્યા છીએ તેનું તમારે પ્રોપર્ટી ખરીદ્યા પહેલા ધ્યાન રાખવું જોઈએ નહીં તો બાદમાં મુશ્કેલી થઈ શકે છે. 

જમીનના ટાઈટલની યોગ્ય રીતે કરો તપાસ 
હંમેશા કોઈ પણ જમીન ખરીદ્યા પહેલા તેના ટાઈટલની તપાસ સારી રીતે કરી લો. આ વાતની યોગ્ય રીતે તપાસ કરવી જોઈએ કે તમે જે વ્યક્તિ પાસેથી જમીન ખરીદી રહ્યા છો તે જ તે જમીનનો અસલી માલીક છે અને જમીન તેના નામ પર છે. 

તેની સાથે જ જમીનના કાગળીયાની યોગ્ય તપાસ માટે તમે વકીલની પણ મદદ લઈ શકો છો. તમે સેલ્સ ડીડ અને પ્રોપર્ટી ટેક્સની યોગ્ય રીતે તપાસ કરી લો. તમે જે જમીનને ખરીદવાના છો તેનું ટાઈટલ ક્લિયર હોવું જોઈએ. 

સબ-રજીસ્ટ્રારના ઓફિસમાં જઈને કરો પ્રોપર્ટી ટેક્સની તપાસ 
તમને જણાવી દઈએ કે ઘણી વખત જમીન પર સરકારનો અમુક ટેક્સ બાકી હોય છે. એવામાં જમીન ખરીદ્યા પહેલા તમે તે જમીનની યોગ્ય રીતે તપાસ કરી લો કે તેના પર કોઈ પ્રકારનો ટેક્સ બાકી તો નથીને. તેના માટે તમે સબ-રજીસ્ટ્રારના ઓફિસમાં જઈને તપાસ કરી શકો છો. 

જણાવી દઈએ કે દરેક રાજ્યમાં લેવડ દેવડ અને કાયદાકીય બાકી રકમનું પ્રોસેસ અલગ અલગ હોય છે. પ્રોપર્ટી ટેક્સની જાણકારી મેળવો કે જે દિવસે તે પ્રોપર્ટી તમારા નામ પર ટ્રાન્સફર થઈ છે તેના પહેલા તેના પર કોઈ સરકારી બાકી રકમ તો નથીને. 

પબ્લિક નોટિસ જરૂર આપો 
કોઈ પણ જમીનને ખરીદ્યા પહેલા તે જમીનની પબ્લિક નોટિસ જરૂર આપો. તનાથી તમને એ જાણકારી મળશે કે તે જમીન પર કોઈ બીજાનો અધિકાર તો નથીને. તેની સાથે જ ધ્યાન રાખો કે આ નોટિસ તમે સ્થાનીક ન્યૂઝ પેપરમાં આપો.  

પાવર ઓફ એટોર્નીની જાણકારી મેળવો 
તમને જણાવી દઈએ કે પાવર ઓફ એટોર્ની દ્વારા જ જમીનને વેચી શકાય છે. માટે તે ખૂબ જ જરૂરી છે કે તમે આ વાતની તપાસ કરો કે જમીનની પાવર ઓફ એટોર્ની કોની પાસે છે. ત્યાર બાદ બધી કાગળની કાર્યવાહી કરી દરેક પાવર ઓફ એટોર્ની તમે પોતાની પાસે ટ્રાન્સફર કરાવી લો.