ટિપ્સ / ચોમાસામાં આ રીતે બચાવો તમારો સ્માર્ટફોન, ઘેરબેઠાં જ ઠીક કરી શકાશે

- જો તમે વરસાદમાં પલળી રહ્યા છો તો કોલ રિસીવ ના કરો. પાણીમાં પલળેલા મોબાઇલથી કોઇ કોલ પણ ના કરતા. આમ કરવાથી બેટરીમાં શોર્ટ સર્કિટ થવાનો ભય રહે છે અને ફોનમાં બ્લાસ્ટ પણ થઇ શકે છે. ફોન ભીનો થાય તે છી તેમા આવી કોઇ પણ પ્રકારની સમસ્યા થાય તો રિપેર કરવાનો પ્રયાસ ના કરતા. 

- તમે ફોનને વરસાદથી બચાવવા માટે ચેનવાળુ પ્લાસ્ટિકનું પાઉચ ખરીદી લો.આ પાઉચ 200-1500 રૂપિયા સુધી માર્કેટમાં મળશે. જો પ્લાસ્ટિક પાઉટ માટે ખર્ચો ના કરવો હોય તો પ્લાસ્ટિક બેગનો પણ ઉપયોગ કરી શકો જ છો.

- ચોમાસામા ફોન રિસીવ કરવા માટે બ્લૂટૂથ અને ઇયરફોનનો ઉપયોગ કરી શકો છે. આજકાલ માર્કેટમાં વોટરપ્રૂફ બ્લૂટૂથ હેડસેટ મળે છે.

ફોન ભીનો થાય તો શું કરશો:

- ધ્યાન રાખવા છતા ફોનમાં પાણી જતુ રહે તો ચિંતા ના કરો. ફોન પલળવા પર સૌથી પહેલા ફોનની બેટરી કાઢી નાખો અને સૂકવવા મૂકી દો. ફોનને સુતરાઉ કપડાથી લૂછી દો. ભીનો ફોન તરત જ ઑન ના કરતા. ફોન ત્યાં સુધી બંધ રાખો જ્યાં સુધી અંદરનું પાણી સૂકાઇ ના જાય.

- ફોનથી પાણીને સારી રીતે લૂછ્યા બાદ તેને ચોખાના ડબ્બામાં વચ્ચે દબાવીને રાખો. 8-9 કલાક  ચોખામાં રાખ્યા પછી તેને કાઢી લો. ફોનને ચોખામાં મુકવાથી ભેજ ખત્મ થઇ જાય છે.

- ઘણા લોકો ફોનને સૂકવવા માટે હેર ડ્રાયરનો ઉપયોગ કરે છે, આવું ના કરો. ફોનમાં ખૂબ જ નાના અને નાજુક પાર્ટ હોય છે. જે જરા અમથી આગ કે ગરમીથી ખરાબ થઇ શકે છે. હેર ડ્રાયરની હવા ઘણી વખત પાર્ટ્સને ગરમ કરી દે છે. જેના કારણે મુશ્કેલી વધી જાય છે.

- ફોનને ક્યારેય તડકામાં ન રાખશો. જો ફોનને ખુલ્લામાં રાખવો હોય તો કોઇ કપડાથી ઢાંકી દો. જેનાથી તેના પર સીધો તડકો ના આવે. બેટરીને તડકામાં ના રાખો અને ડ્રાયરથી સુકવવાનો પ્રયાસન ના કરવો . આમ કરવુ જોખમકારક સાબિત થઇ શકે છે. 

- ફોન સૂકાઇ જાય તે પછી તેનો વધારે ઉપયોગ ના કરો, થોડી વાર પડ્યો રાખો. ફોનને ચાર્જિંગમાં ના મૂકો. બની શકે કે ફોનની બેટરી હજુ ભીની હોય તો કરંટ લાગવાની સંભાવના વધી જાય છે. ઓછામા ઓછા 2-3 કલાક પછી ફોનને ચાર્જમાં મૂકો.