વરસાદની સિઝન આવી ગઇ છે. આ સિઝનમાં આપણે ઘણા પ્રકારની પરેશાનીઓનો સામનો કરવો પડે છે. જેમે કે ઓફિસ આવતી વખતે રસ્તામાં કીચડનો સામનો કરવો જ પડે છે. જેનાથી આપણા કપડાંથી લઇને જૂતા સુધી ખરાબ થઇ જાય છે.
તમે આ ગંદા કપડાંને યોગ્ય રીતે સૂકવી પણ શકતા નથી. કારણ કે વરસાદના કારણે તમારા કપડાં સૂકાતા પણ નથી. આજે અમે તમને જણાવી રહ્યા છીએ આ સિઝનમાં કેવી રીતે કપડાં સૂકવી શકો છો. વરસાદની સિઝનમાં કપડાં ધોવો તો એક વાતને ધ્યાનમાં રાખો કે એને સૂકવ્યા બાદ રૂમમાં સૂકવવા માટે લટકાવી દેશો નહીં.
આ પહેલા કપડાંને બરોબર નિચોવી દો અને પછી એને સૂકવવા માટે ફેલાવો એની સાથે જ રૂમની બારીઓ પણ ખુલ્લી રહેવા દો કારણ કે તાજી હવા અંદર આવતી રહે. આવું કરવાથી કપડાંમાં ભેજ રહેશે નહીં. વરસાદમાં મોટાભાગે કપડાંમાં દુર્ગંધ આવે છે. જો તમારે તમારા કપડાંને દુર્ગંધથી બચાવવા છે તો રૂમમાં લાઇટ ચાલુ કરીને મૂકી દો.
આ ઉપરાંત કપડાં ધોતી વખતે 2 ચમચી વિનેગાર પાણીમાં નાંખી દો. એનાથી કપડામાં દુર્ગંધ પણ આવશે નહીં અને કપડાંમાં સોફ્ટનેસ બનેલી રહેશે. વરસાદમાં કપડાં સૂકાતા વાર લાગે છે કારણ કે રૂમમાં મોઇશ્વર વધી જાય છે. એનાથી બચવા માટે સૌથી પહેલા એક કામ કરો એક ખૂણામાં એક થેલીમાં મીઠું ભરીને રાખો.
એનાથી એવું થશે કે મીઠું આખા રૂમનો ભેજ શોષી લેશે. કપડાંને જલ્દી સૂકવવા હોય તો એને દોરડા પર લટકાવવાની જગ્યાએ હેન્ગર પર લટકાવો હેન્ગરમાં લટકાવવાથી કપડાંને હવા તો મળે છે સાથે સાથે એમાં કરચલીઓ પણ પડતી નથી.