ફાયદા / કારની માઇલેજ બમણી કરવી છે તો ડ્રાઇવ કરતી વખતે આ વાતોનું રાખો ધ્યાન

કાર ચલાવનાર લોકોની સૌથી મોટી સમસ્યા એ હોય છે કે ગાડી માઇલેજ આપતી નથી. કેટલાક લોકોનું કહેવું છે કે એમની કાર પાણીની જેમ પેટ્રોલ પીવે છે. જો તમારી પણ આ ફરિયાદ છે, જેના કારણે તમારી ગાડી રસ્તા કરતા વધારે ગેરેજમાં રહે છે તો આ આર્ટિકલ તમારા માટે છે. 

વાસ્તવમાં ઘણી વખત કાર પોતાની મશીનરી નહીં પરંતુ આપણી ખોટી આદતોના કારણે ઓછી માઇલેજ આપે છે. એટલા માટે આજે અમે તમને કેટલીક એવી ડ્રાઇવિંગ ટ્રિક્સ માટે જણાવીએ છીએ જેનાથી કારની માઇલેજ બમણી થઇ જશે. 

શક્ય હોય ત્યાં ગાડીને ટોપ ગિયરમાં ચલાવવાનો પ્રયત્ન કરો. ગાડી જ્યાં ત્રીજા ગિયર પર ચાલી શકે છે ત્યાં બીજા ગિયર પર ચલાવશો નહીં. ડાઉન ગિયર્સ ફ્યૂલનો વધારે વપરાશ કરે છે. 

કારના એન્જીનના એર ફિલ્ટરને ચેક કરાવતા રહો. ગંદુ ફિલ્ટર તમારા ખિસ્સા પર ભારે પડી શકે છે. એનાથી એન્જીનની કાર્યક્ષમતા પ્રભાવિત થશે અને ફ્યૂલ ખર્ચ વધશે. આસપાસની ગંદકી, હવા, પ્રદૂષણ, ધૂળ, માટીના કણમાં એમાં સમાવેલા રહે છે. એટલા માટે એને સમયસર સાફ કરાવતા રહો. 

ક્રૂઝ કંટ્રોલનો સાચો ઉપયોગ પણ ફ્યૂલ ખર્ચને ઓછો કરે છે અને એક બરાબર સ્પીડ યથાવત રહે છે. 
 

તમારી કાર જેટલી ભારે હશે, એની માઇલેજ પર એટલી જ ખરાબ અસર પડશે. 

ફ્યૂલનો ખર્ચ ઓછો કરવામાં કારની સ્પીડનું ધ્યાન રાખવું ખૂબ જ જરૂરી છે. કાર જેટલી ફાસ્ટ ચલાવશો, એન્જીન પર એટલો વધારે લોડ પડશે. સાચી સ્પીડ રાખીને તમે 33 ટકા સુધી પેટ્રોલ બચાવી શકો છો.