અત્યારે બધાંની પાસે સ્માર્ટફોન તો હોય જ છે. કોઈને પણ ફોન વિના હવે ચાલતું નથી. એમાં પણ ઘણાં લોકોના પર્સનલ ફોટોઝ, મહત્વના ડોક્યૂમેન્ટ્સ અને વીડિયો ફોનમાં જ હોય છે. જેથી તો ક્યારેક ફોન ખોવાય જાય તો જીવ અધ્ધર થઈ જાય છે. ડેટાની ચિંતા સતાવવા લાગે છે. જરૂરી ડેટા ચોરાવાનો ભય રહે છે. પરંતુ હવે ગભરાવાની જરૂર નથી અમે અહીં એક એવી ટ્રિક જણાવવાના છીએ, જેની મદદથી તમે ચોરી થઈ ગયેલા ફોનમાંથી પણ સરળતાથી ફોટોઝ અને વીડિયો ડિલીટ કરી શકો છો. ચાલો જાણી લો.
ફોન ખોવાય જાય કે ચોરી થઈ જાય તો ચિંતા ન કરતાં
આ રીતે ઓનલાઈન ડિલીટ કરો તમારો ડેટા
ડેટા ડિલીટ કરવાની ઓનલાઈન રીત
જો તમારે તમારા ફોનના ડેટાને સુરક્ષિત રાખવો છે અથવા તો તે ચોરાઈ જાય તો કોઈ તેનો દુરૂપયોગ ન કરી શકે તે માટે તમે તમારા ડેટાને ઓનલાઈન પણ ડિલીટ કરી શકે છે. એટલે કે તમારો ફોન તમારાથી દૂર હોવા છતાં તમે તમારો ડેટા ડિલીટ કરી શકો છો.
આ છે પ્રોસેસ
સૌથી પહેલા તમે કોઇ કમ્પ્યુટર કે બીજા ફોન પર ઇન્ટરનેટ બ્રાઉઝર ઓપન કરો.
અહીં તમારે https://www.google.com/android/find ટાઇપ કરવાનુ છે.
હવે તમારે એ જીમેલ આઇડીથી લોગિન કરવું પડશે જે સ્માર્ટફોનમાં પણ છે.
તમારી સામે પ્લે સાઉન્ડ, સિક્યૉર ડિવાઇસ અને ઇરેસ ડિવાઇસના ત્રણ ઓપ્શન દેખાશે.
આમાંથી ફોનનો ડેટા ડિલીટ કરવા માટે તમારે ERASE DEVICE પર ક્લિક કરવુ પડશે.
વધુ એકવાર ક્લિક કરવા પર તમારે જીમેલનો પાસવર્ડ નાંખવો પડશે.
જો તમારા ફોનમાં ઈન્ટરનેટ ઓન હશે તો તમે તમારો બધો ડેટા ડિલીટ કરી શકો છો.