કુદરતી રીતે મળતું વિટામિન સી સ્વાસ્થ્ય માટે જેટલું મહત્વનું છે, એટલું જ સુંદરતા માટે પણ મહત્વ ધરાવે છે. તેનો યોગ્ય ઉપયોગ કરીને સુંદરતામાં વધારો કરી શકાય છે. ત્વચાને નિખારવા માટે વિટામિન ‘સી’ ખૂબ ઉપયોગી છે. તે આંતરિક અને બાહ્ય ત્વચાને નિખારે છે. તો શિયાળામાં તમારી સ્કિનની પ્રોબ્લેમ્સને દૂર કરવા અપનાવી લો આ ઉપાયો.
સ્કિન માટે વિટામિન સી છે જરૂરી
સ્કિનને હેલ્ધી રાખવા કરો આ કામ
આ ઉપાયો સ્કિન માટે છે વરદાન
ત્વચાને સુંદર બનાવવા અને તેની સુંદરતા જાળવી રાખવા માટે તમે ખૂબ ઉપચાર કરો છો. રોજ કોઇ નવા ફેસપેક કે ક્રીમ વિશેની માહિતી કે તેનો ઉપયોગ કરીને ત્વચાની સંભાળ રાખો છો, પણ શું તમે જાણો છો કે ત્વચાની સ્વસ્થતાને જાળવી રાખવા માટે વિટામિન ‘સી’ સૌથી વધુ ઉપયોગી અને ફાયદાકારક છે.
વિટામિન C આપણી સ્કિન માટે સૌથી મહત્વનું વિટામિન માનવામાં આવે છે. એ સ્કિન પર ગ્લો લાવે છે. એ સાથે સ્કિનમાં પડેલા ડાઘને પણ દૂર કરવામાં મદદ કરે છે. સ્કિનના ડૅમેજ્ડ ટિશ્યુઝને રિપેર કરવામાં વિટામિન C બહુ મદદગાર સાબિત થાય છે.
રોજ એક ગ્લાસ ઓરેન્જ જ્યુસ પીવો જોઇએ, જે તમારા શરીરમાં વિટામિન ‘સી’ને જાળવી રાખવા માટેનો ઉત્તમ સ્ત્રોત છે. તે ફક્ત શરીર માટે જ નહીં, ત્વચા માટે પણ ખૂબ ફાયદાકારક છે.
આ સિવાય વિટામિન સી તમને અવાકાડો, બ્રૉકલી, ટમેટાં, કાકડી, લાલ શિમલા મર્ચિ, લીંબુ, મોસંબી અને સંતરા જેવા ખાટા પદાર્થમાંથી મળે છે.
વિટામિન C એન્ટિ-એજિંગ છે. એ એજિંગ પ્રોસેસને ધીમી કરે છે. એ સાથે તમારો ફેસ રિંકલ્સ-ફ્રી રાખે છે. આ વિટામિનથી સ્કિન પર આવતી ફાઇન લાઇન્સ પણ દૂર થાય છે. એ સિવાય વિટામિન C સ્કિન-ટાઇટનિંગમાં પણ મદદ કરે છે.
તમારે વિટામિન સીને ખોરાકમાં લેવા ઉપરાંત તમારી ત્વચા માટે વિટામિન સી યુક્ત પ્રસાધનોનો ઉપયોગ પણ કરવો જોઇએ. તેનો નિયમિત ઉપયોગ કરશો તો તમને ત્વચા પર ફરક જોવા મળશે.
ત્વચાને હેલ્ધી રાખવા માટે તમે વિટામિન ‘સી’વાળા મોઇશ્વરાઇઝરનો ઉપયોગ કરી શકો છો. એનો સૌમ્ય અને કુદરતી પદાર્થ ત્વચા પર ચોંટેલી ધૂળ અને મેલને શોષી લે છે અને તેમાં આવેલું એપ્રિકોટ ઓઇલ ત્વચાને નરમ અને મુલાયમ બનાવીને તેનું પોષણ કરે છે અને નવું જીવન આપે છે.
અઠવાડિયામાં એક વખત નોન ડ્રાય ફોર્મ્યૂલાનો ઉપયોગ કરવાથી ત્વચાનો રંગ એકદમ ખીલેલો રહે છે. ક્લિન્સિંગ મિલ્કથી ત્વચાને બરોબર સાફ કર્યા પછી તેને પોષણ પૂરું પાડવા માટે ત્વચા પર વિટામિન ‘સી’વાળું મોઇશ્વરાઇઝર લગાવો.
આ સિવાય તમે સ્કિન પર સંતરા કે લીંબુનો રસ પાણી અથવા એલોવેરા જેલમાં મિક્સ કરીને પણ નેચરલ વિટામિન સી મેળવી શકો છો.