આજના સમયમાં દરેક વ્યક્તિ પાસે મોબાઈલ ફોન છે અને ખાસ સ્માર્ટ ફોન. આજકાલ જમાનો સ્માર્ટ ફોનનો છે. જેના કારણે દરેક કંપની પોતાના સ્માર્ટ ફોનને વધુ આકર્ષક બનાવવાની હોડમાં લાગી છે. તેમ છતાં લોકોની પણ પોતાની પસંદ હોય છે કે તેમને કઈ કંપનીનો મોબાઈલ ફોન પસંદ આવે છે.
ફોન વેચતા પહેલાં આ બાબતોનું ખાસ કરજો પાલન
નહીંતર તમારા ફોનનો પર્સનલ ડેટા ચોરાઈ જશે
મોબાઈલ ફોન વેચતા પહેલાં જરૂરી ડેટાનો બેકઅપ લઇ લેજો
જોકે, અત્યારના સમયમાં લોકો એક ફોનનો ઉપયોગ વધારે સમય સુધી કરતા નથી. કોઈ નવુ મોડલ આવતા તેઓ જૂના ફોનને વેચવાની ફિરાકમાં લાગી ગયા છે. મોબાઈલની દુકાનોમાં અથવા પછી ઓનલાઈન, રિટેલ સ્ટોરમાં આ જૂના ફોન સરળતાથી વેચાઈ જાય છે. જો તમે પણ પોતાનો જૂનો ફોન વેચવાનું વિચારી રહ્યાં છો તો સૌપ્રથમ જાણી લો કે તેમાં ઘણી બધી ચીજ વસ્તુઓનું ધ્યાન રાખવુ પડે છે. નહીંતર તમારા ફોનનો પર્સનલ ડેટા લીક થવાનો ભય રહે છે. એવામાં આજે અમે તમને જણાવીશું કે સ્માર્ટ ફોન વેચતી વખતે આ બાબતોનું ધ્યાન રાખજો.
મોબાઈલ વેચતી વખતે ગુગલ આઈડી લોગ આઉટ કરો
આજકાલ તો લોકો પોતાના ફોનમાં ગૂગલ આઈડીનું લોગ ઈન કરીને રાખે છે. પરંતુ જ્યારે તમે પોતાનો મોબાઈલ વેચવા માટે જાઓ ત્યારે ખાસ ધ્યાન રાખવુ કે ગૂગલ આઈડીને લોગ આઉટ કરો. જેના માટે યુઝર એન્ડ એકાઉન્ટસના ઓપ્શન પર જાઓ અને રિમૂવના વિકલ્પ પર ક્લિક કરો. તમારું એકાઉન્ટ લોગ આઉટ થઇ જશે.
પહેલાં જરૂરી ડેટાનો બેકઅપ લેવો
ઘણી વખત એવુ થાય છે કે લોકો ઉતાવળમાં પોતાનો ફોન વેચવાના ચક્કરમાં જરૂરી ડેટાનો બેકઅપ લેવાનુ ભૂલી જાય છે. એવામાં ડેટા લીક થવાનો ભય રહે છે. તેથી હંમેશા આ વાતનું ધ્યાન રાખવુ કે પહેલાં પોતાનો જરૂરી ડેટાનો બેકઅપ લઇ લો. દરેક જરૂરી તસ્વીર, દસ્તાવેજ અને વીડિયો વગેરે ગુગલ ડ્રાઈવમાં સેવ કરી લો.
તમારા સોશિયલ મીડિયા એકાઉન્ટ લોગઆઉટ કરી નાખો
તમારો સ્માર્ટ ફોન વેચતા પહેલા તેના પાસવર્ડને આવશ્ય ડિલીટ કરી નાખો. કારણકે આવુ ના કરતા તમારો ખાનગી ડેટા ખોટા લોકોના હાથમાં પહોંચી જાય છે. આ સિવાય બીજી એક બાબતનું ધ્યાન રાખો કે મોબાઈલ ફોન વેચતા પહેલાં ફેસબુક, ટ્વિટર અને ઈન્સ્ટાગ્રામ એકાઉન્ટ લોગઆઉટ કરી નાખો.
તમારા ફોનની ફેક્ટરી રીસેટ કરી નાખો
આખરે સારું રહેશે કે તમે તમારા ફોનની ફેક્ટરી રીસેટ કરી નાખો. જેના માટે સેટીંગમાં જઇને બેકઅપ એન્ડ રીસેટ ઓપ્શનને પસંદ કરો. અહીં તમને રીસેટ ફોનનો ઓપ્શન જોવા મળશે. જેના પર ક્લિક કરવાથી તમારો બધો ડેટા ફોનથી ડિલીટ થઇ જશે.