ટીના દત્તા આજે એટલેકે 27 નવેમ્બરે પોતાનો 31મો જન્મ દિવસ સેલિબ્રેટ કરી રહી છે. ટીના હાલમાં બિગ બૉસ 16માં પોતાની ગેમને લઇને ખૂબ લોકપ્રિય થઇ રહી છે.
આજે છે ટીના દત્તાનો જન્મ દિવસ
ટીના દત્તા આજે છે કરોડો રૂપિયાની માલિક
ટીના દત્તાએ પોતાના કપરા દિવસોને કર્યા યાદ
ટીના દત્તા આજે કરોડોની માલિક છે
એક સમય એવો હતો જ્યારે ટીના દત્તાની પાસે ઓડિશન આપવા માટેના પણ પૈસા નહોતા. તો ટીના દત્તા આજે કરોડોની માલિક છે. ટીના દત્તા ઘણા વર્ષોથી ટીવી ઈન્ડસ્ટ્રીમાં સક્રિય છે. ટીનાને સૌથી પહેલી લોકપ્રિયતા કલર્સની સીરિયલ 'ઉતરન'થી મળી હતી. એવુ કહેવુ જરા પણ ખોટુ નથી કે ઉતરનના પાત્ર ઈચ્છા દ્વારા ટીના દત્તા પ્રશંસકોના દિલમાં ઉતરી હતી. ટીના દત્તા આજે એક લક્ઝુરિયસ લાઈફસ્ટાઈલની માલિક છે.
ટીના દત્તાએ બિગ બૉસ 16માં જ પોતાની કારકિર્દી જર્ની અંગે જણાવ્યું છે. અભિનેત્રીએ જણાવ્યું જ્યારે તે 8મા અને 9મા ધોરણમાં હતી ત્યારે તેમને એક્ટિંગ પ્રોજેક્ટ્સ મળ્યા હતા. પરંતુ તેના પરિવાર પાસે એટલા પૈસા નહોતા કે તેઓ તેને કોલકત્તામાંથી મુંબઈ મોકલી શકે. ટીનાએ જણાવ્યું, પૈસાની અછતને કારણે તે સમયે ઓડિશન આપી શકતી નહોતી.
ટીના દત્તાએ પોતાના મુશ્કેલીભર્યા દિવસો વિશે વાત કરતા કો-સ્પર્ધક શિવ ઠાકરેને જણાવ્યું હતુ, તે એક સિમ્પલ મિડલ ક્લાસ પરિવારમાંથી આવે છે અને એક સમય હતો જ્યારે તેમનો પરિવાર ઈન્ટરનેટ કનેક્શન માટે તરસતો હતો. ટીના જણાવે છે કે તે વખતે ઈમેલ દ્વારા પણ ઓડિશન મોકલવામાં આવતા હતા.
ટીના દત્તા આજે પોતાનુ જીવન પૂરી શાન સાથે જીવે છે. રિપોર્ટસ મુજબ ટીના દત્તા અત્યારે બિગ બૉસની સૌથી અમીર સ્પર્ધકોમાં સામેલ છે. ટીના દત્તાની નેટવર્થ 65 કરોડ રૂપિયા છે. ટીના દત્તા મુંબઈમાં શાનદાર ફ્લેટ અને લક્ઝુરિયસ કારની માલિક છે.