20 એપ્રિલનાં રોજ રાજસ્થાનની ચર્ચિત IAS અધિકારી ટીના ડાબીનાં લગ્ન થયા હતા અને ત્યાર બાદ તેમણે રિસેપ્શન પણ રાખ્યું હતું, જેની તસવીરો સોશિયલ મીડિયા પર વાયરલ થઇ રહી છે.
ટીના ડાબીનાં લગ્નની તસવીરો વાયરલ
20 એપ્રિલના રોજ કર્યા હતા લગ્ન
બાબા સાહેબ આંબેડકરની તસવીર સામે ઉભેલા જોવા મળ્યા ટીના-પ્રદીપ
ટીના ડાબીનાં લગ્નની તસવીરો વાયરલ
રાજસ્થાનની ચર્ચિત IAS અધિકારી ટીના ડાબી એ ડૉ. પ્રદીપ ગવાંડેનાં લગ્નની તસવીરો હવે સોશિયલ મીડિયા પર વાયરલ થઇ રહી છે. બંનેએ 20 એપ્રિલનાં રોજ ડૉ. ભીમરાવ આંબેડકરની તસવીર સામે એક સમારોહમાં લગ્ન કર્યા હતા. ત્યાર બાદ 22 એપ્રિલનાં રોજ જયપુરની આલીશાન હોટલમાં રિસેપ્શન પણ આયોજિત કર્યું હતું. લગ્ન અને રિસેપ્શનની તસવીરો હવે સામે આવી છે.
20 એપ્રિલનાં રોજ થયા હતા લગ્ન
ટીના ડાબી અને પ્રદીપ ગવાંડેનાં લગ્ન 20 એપ્રિલનાં રોજ થયા હતા, જેમાં ખૂબ જ ઓછા લોકો સામેલ થયા હતા. આ લગ્નની માત્ર તસવીરો સામે આવી છે, જેમાં કપલ ભીમરાવ આંબેડકરની તસવીર સામે ઉભા છે. બંને આ તસવીરમાં ખૂબ જ ખુશ જોવા મળી રહ્યા છે. બંનેએ સફેદ કપડા પહેર્યા છે.
ટીના ડાબી અને પ્રદીપ ગવાંડેએ 22 એપ્રિલનાં રોજ સંબંધીઓ અને મિત્રો માટે રિસેપ્શનનું આયોજન કર્યું હતું. અમુક મહેમાનોએ લગ્નની તસવીરો સોશિયલ મીડિયા પર પોસ્ટ કરી દીધી, જેથી આ તસવીરો સામે આવી શકી. રિસેપ્શનમાં મુખ્ય સચિવ ઉષા શર્મા, સીએમનાં પ્રમુખ સચિવ કુલદીપ રાંકા, સીએમ સલાહકાર નિરંજન આર્ય, પ્રમુખ સચિવ અખિલ અરોરા, પ્રમુખ સચિવ અપર્ણા અરોરા, સીએમનાં સચિવ આરતી ડોગરા વગેરે મહેમાનોએ પહોંચીને શુભકામનાઓ આપી હતી.
કોણ છે ટીના - પ્રદીપ?
ટીના ડાબી 2016 બેચના રાજસ્થાન કેડરના અધિકારી છે જ્યારે પ્રદીપ ગાવંડે 2013 બેચના અધિકારી છે. ટીના જોઈન્ટ ફાયનાન્સ (ટેક્સ) સેક્રેટરી છે, જ્યારે ડૉ. ગાવંડે પુરાતત્વ અને સંગ્રહાલયના નિયામક છે. 29 વર્ષની ટીના ડાબીના આ બીજા લગ્ન છે, જ્યારે પ્રદીપ ગાવંડેના પ્રથમ લગ્ન છે. ટીનાના પહેલા લગ્ન કાશ્મીરના IAS ઓફિસર અતહર આમીર ઉલ શફી ખાન સાથે થયા હતા, પરંતુ તેમના લગ્ન લાંબો સમય ટકી શક્યા નહીં. જયપુરની ફેમિલી કોર્ટ દ્વારા ઓગસ્ટ 2021માં બંનેના છૂટાછેડા થયા હતા. બંનેએ UPSC પરીક્ષામાં ટોપ કર્યું હતું અને લગ્ન કરી લીધા હતા, આ કપલ રાતોરાત ચર્ચાનો વિષય બન્યું હતું.