coronavirus / ટ્રમ્પના આભાર પર PM મોદીનો જવાબઃ મુશ્કેલીના સમયે મિત્ર નજીક આવે, કોરોના સામે જીતીશું

• ટ્રમ્પના આભારના ટ્વીટ પર PM મોદીનો જવાબ
• મુશ્કેલીનો સમય મિત્રને એક સાથે લાવે છે
• માનવતા માટે ભારત દરેક પ્રયાસો કરશે

પ્રધાનમંત્રી નરેન્દ્ર મોદીએ પોતોના ટ્વિટર પર લખ્યું, રાષ્ટ્રપતિ ડોનાલ્ડ ટ્રમ્પ હું તમારી વાતથી સંપૂર્ણ રીતે સહમત છું. આવા સમય જ મિત્રોને નજીક લાવે છે. ભારત-અમેરિકાની ભાગીદારી પહેલા કરતા વધુ મજબૂત છે. ભારત કોરોના Covid19 સામેની લડાઇમાં મદદ કરવા દરેક પ્રકારનો પ્રયત્ન કરશે. આપણે કોરોના સામે એક સાથે જીતીશું. 
 

Fully agree with you President @realDonaldTrump. Times like these bring friends closer. The India-US partnership is stronger than ever.

India shall do everything possible to help humanity's fight against COVID-19.

We shall win this together. https://t.co/0U2xsZNexE

— Narendra Modi (@narendramodi) April 9, 2020

ઉલ્લેખનીય છે કે  ભારતે અમેરિકાને હાઈડ્રોક્સીક્લોરોક્વીન દવા આપતા ડોનાલ્ડ ટ્રમ્પે પ્રધાનમંત્રી મોદીનો આભાર વ્યક્ત કર્યો હતો. આમ હવે આ મામલે પ્રધાનમંત્રી નરેન્દ્ર મોદીએ ટ્વીટ કર્યું છે. જેમાં અમેરિકાના રાષ્ટ્રપતિ ડોનાલ્ડ ટ્રમ્પને જવાબ આપ્યો છે. પ્રધાનમંત્રી નરેન્દ્ર મોદીએ કહ્યું કે ભારત કોરોના વિરુદ્ધ માનવતાની આ લડાઈમાં દરેક શક્ય મદદ કરવા માટે તૈયાર છે.

આ અગાઉ કોરોના વાયરસની સારવારમાં ઉપયોગી થનારી હાઈડ્રોક્સીક્લોરોક્વીનના સપ્લાય મળતાં અમેરિકાના રાષ્ટ્રપતિ ડોનાલ્ડ ટ્રમ્પે ભારતનો આભાર માન્યો હતો. એક ટ્વીટ કરી ટ્રમ્પે કહ્યું હતું કે મુશ્કેલી ભર્યા સમયે મિત્રોની વચ્ચે સહકારની જરુર પડે છે. હાઈડ્રોક્સીક્લોકોક્વીન પર નિર્ણય લેવા પર ભારત અને ભારતીયોનો આભાર માનું છુ. અમે આ ક્યારેય નહીં ભૂલી શકીએ. આ સહકાર માટે પીએમ મોદીનો આભાર.