અમદાવાદના પૂર્વ વિસ્તાર અને ટ્રાફિકથી ગીચોગીચ કહી શક્યા તેવા હાટકેશ્વર-ખોખરા માર્ગ પર યુવકનું AMTS બસની અડફેટે મોત નીપજ્યું. વધતા અકસ્માત છતાં મહાપાલિકાનું સૂચક મૌન
અમદાવાદમાં AMTS એ લીધો વધુ એકનો ભોગ
હાટકેશ્વર-ખોખરામાં બસની અડફેટે યુવકનું મોત
બસ ચાલક પહોચ્યો પોલીસ મથક. તંત્રનું ગજબ મૌન
અમદાવાદના પૂર્વ અને પશ્ચિમ વિસ્તારમાં યમદૂતની જેમ દોડતી AMTS બસ છાસવારે નિર્દોષ નાગરિકોનો ભોગ લે છે. આમ છતાં તંત્રના પેટનું પાણી સુદ્ધા હલતું નથી. જો કોઈ મુસાફર સાથે શાબ્દિક ટપાટપી થાય તો AMTSનાં બસ ચાલકો મુસાફરોને બાનમાં લેતા હોય તેવું વર્તન કરતા હોય છે અથવા તો મારામારી પર ઉતારી જતા હોય છે.અથવા છેલ્લે હડતાલ જેવા શાસ્ત્રનો ઉપયોગ કરી, અમદાવાદનો નાગરિક તેમના મનસ્વી વર્તનને સાંખી લેવો જોઈએ તેવા પ્રકારની ભૂમિકા ભજવે છે. આ વચ્ચે અમદાવાદમાં બેફામ સીટી બસચાલકે લીધો વધુ એક નાગરિકનો ભોગ લીધો છે.
અમદાવાદના પૂર્વ વિસ્તાર અને ટ્રાફિકથી ગીચોગીચ કહી શક્યા તેવા હાટકેશ્વર-ખોખરા માર્ગ પર યુવકનું AMTS બસની અડફેટે મોત નીપજ્યું હતું. શ્રી છત્રપતિ શિવાજી ઓવરબિજના શનિ મંદિર નજીક ઘટેલી આ ઘટનામાં AMTS ના રૂટ 160 ની બસે યુવકને અડફેટે ચડાવ્યો હતો. દુર્ઘટના બાદ ઈજા પામેલા યુવકને નજીકની એલ જી હોસ્પિટલમાં સારવાર માટે ખસેડાયો હતો . બસની ભારે ટક્કરથી ગંભીર ઈજા પામેલા યુવકનું ટૂંકી સારવાર દરમિયાન જ મોત નીપજતા મામલો પોલીસ મથકે પહોચ્યો હતો. તો AMTS બસ ચાલક અકસ્માત બાદ ખુદ પોલીસ સ્ટેશન પહોંચ્યો હતો.
માતર પાસે બાઈક પર જઈ રહેલા ચાર યુવકોના મોત
અમદાવાદના રસ્તા અને રાજ્યના હાઇવે અવારનવાર અકસ્માતોના કારણે રક્તરંજિત થાય છે. જેની પાછળ અલગ અલગ કારણો જવાબદાર હોય છે. પુરઝડપે વાહન ચલાવવાનું, ઝોકું આવી જવું, અચાનક ઢોર રસ્તા પર આવી જવાં અનેક કારણો છે, જેનાં કારણે અકસ્માત સર્જાય છે. આજે સવારે ખેડા બાયપાસ હાઇવે પર એક અકસ્માત સર્જાયો છે. જેમાં અમદાવાદના ચાર યુવકોનાં ઘટના સ્થળે કરુણ મોત નીપજ્યાં છે. અકસ્માત થવા પાછળનું કારણ એક જ બાઇક પર ચાર યુવકો બેઠા હોવાનું પ્રાથમિક તપાસમાં સામે આવ્યું છે. હાઇવે પર કન્ટેનર ઊભું રહ્યું હતું તેની પાછળ બાઇક ધડાકાભેર અથડાયું હતું જેમાં યુવકોનાં કરુણ મોત થયાં છે.
આજે સવારે ખેડા બાયપાસ હાઈવે પર એક ગમખ્વાર અકસ્માત સર્જાયો છે. જેમાં એક જ બાઇક પર સવાર ચાર યુવકોનાં ઘટના સ્થળે કરુણ મોત થયાં છે. મરનાર ચારેય યુવકો અમદાવાદના હોવાનું સામે આવ્યું છે જેમની પાસેથી તલવાર અને પંચ મળી આવ્યાં છે. હાઇવે પર કન્ટેનર ઊભું હતું તેની પાછળ પૂરઝડપે આવી રહેલું બાઇક ધડાકાભેર અથડાયું હતું. જેમાં ચારેય યુવકોનાં ઘટના સ્થળે મોત થયાં છે.
અકસ્માતની જાણ થતાં જ માતર પીએસઆઈ સહિત પોલીસની ટીમ ઘટના સ્થળે પહોંચી ગઈ છે. ઓવર સ્પીડ હોવાને કારણે બેલેન્સ રાખી ન શકાતાં અકસ્માત થયો હોવાનું પોલીસે પ્રાથમિક અનુમાન લગાવ્યું છે. યુવકોની લાશને પોસ્ટમોર્ટમ માટે માતર સામૂહિક આરોગ્ય કેન્દ્રમાં મોકલી આપવામાં આવી છે જ્યારે માતર પોલીસે હાલ અકસ્માત મોતનો ગુનો દાખલ કરીને તપાસનો ધમધમાટ શરૂ કર્યો છે.
આ ઘટના વિશે મળતી માહિતી પ્રમાણે, ખેડા બાયપાસ હાઇવે પર સોખડા પાટિયા વેસ્ટર્ન હોટલના પાર્કિંગમાં ઊભા રહેલા એક કન્ટેનર પાછળ એક બાઈક ધડાકાભેર ઘૂસી જતાં ગમખ્વાર અકસ્માત સર્જાયો છે. બાઈક પર અમદાવાદના ચાર યુવકો સવાર હતા. તમામ યુવકો અમદાવાદના અમરાઈવાડી અને સીટીએમ વિસ્તારના રહેવાસી હોવાનું સામે આવ્યું છે.
આ અકસ્માતના કારણે હાઈવે પર લોકોનાં ટોળે ટોળાં ઊમટ્યાં હતાં. તેથી ટ્રાફિક જામની સમસ્યા પણ સર્જાઇ હતી. પોલીસ તેમજ એમ્બ્યુલન્સની ટીમ ઘટના સ્થળે પહોંચી ગઇ હતી અને ટ્રાફિકને હળવો કર્યો હતો. પોલીસના જણાવ્યા અનુસાર ઓવર સ્પીડને કારણે બેલેન્સ રાખી ન શકતાં અકસ્માત થયો હોવાનું પોલીસે પ્રાથમિક અનુમાન કાઢ્યું હતું.
ગુનાહિત કૃત્ય આચરવા માટે જતા હતા: પોલીસ સૂત્રોનાં જણાવ્યા અનુસાર એક જ બાઇક પર ચારેય યુવકો જતા હતા. જેમની પાસે તલવાર અને પંચ જેવાં ઘાતક હથિયાર મળી આવ્યાં છે. ચારેય યુવકો કોઇ ગુનાહિત કૃત્ય આચરવા માટે જતાં હોય તેવું લાગી રહ્યું છે. યુવકોની લાશની પાસે પંચ અને તલવાર મળી આવ્યાં છે. જેથી પોલીસે તે દિશામાં પણ તપાસ શરૂ કરી છે. પોલીસના જણાવ્યા અનુસાર અકસ્માતમાં માર્યા ગયેલા તમામ યુવકો ગુનાહિત ઇતિહાસ ધરાવે છે કે નહીં તે મામલે પણ તપાસ શરૂ કરી છે.
પોલીસે ચારેય યુવકોને કેમ ના અટકાવ્યા: એક બાઇક પર બે સવારીની પરમિશન તેમ છતાંય ચાર યુવકો એક બાઇક પર બેસીને જઇ રહ્યા હતા. પોલીસનો શહેરમાં બંદોબસ્ત હોવા છતાંય ચારેય યુવકોને જો પોલીસે રોક્યા હોત તો તો કદાચ અકસ્માત ટળી શક્યો હોત. વહેલી પરોઢે થયેલા આ અકસ્માતના કારણે પોલીસ નાઇટ ડ્યૂટી કેવી રીતે કરતી હશે તેનો અંદાજ આવી જાય છે