CBDT દ્વારા PAN CARDને આધાર સાથે લીંક કરવાની મુદ્દતમાં વધારો કરવામાં આવ્યો છે. પહેલા લિંક કરાવવાની 31 માર્ચ સુધી તારીખ જાહેર કરવામાં આવી હતી. જેને વધારીને 30 સપ્ટેમ્બર કરી દેવામાં આવી છે.
CBDT દ્વારા PAN CARDને આધાર સાથે લીંક કરવાની મુદ્દતમાં વધારો કરવામાં આવ્યો છે. પહેલા લિંક કરાવવાની 31 માર્ચ સુધી તારીખ જાહેર કરવામાં આવી હતી. જેને વધારીને 30 સપ્ટેમ્બર કરી દેવામાં આવી છે. એટલે કે PAN CARD આધાર સાથે લિંક કરવાનો સમયગાળો 30 સપ્ટેમ્બર સુધીનો થવા પામ્યો છે. આ સાથે જ CBDT એ કહ્યું કે, રિટર્ન ફાઇલ કરતી વખતે આધાર નંબરને લિંક કરવો જરૂરી છે. જો આ સમયગાળા દરમિયાન જો આધાર સાથે PAN લિંક નહીં કરવામાં આવે તો PAN રદ્દ થઇ શકે છે.
ખાસ બાબતો
- 31 માર્ચથી 6 મહિના સુધી લંબાવાઇ છેલ્લી તારીખ, હવે 30 સપ્ટેમ્બર
- 42 કરોડ લોકોને PAN CARD આપી ચૂક્યુ છે આયકર વિભાગ
- 19 કરોડ લોકો એવા છે જેમનું PAN CARD આધારથી નથી લિંક
નીચે જણાવેલા સરળ સ્ટેપ્સમાં તમે સહેલાઇથી આધાર અને PANને લિંક કરી શકો છો.
ઑનલાઇન પ્રોસેસ:
- સૌથી પહેલા ઈન્કમ ટેક્સની ઓફિશ્યિલ સાઈટ incometaxindiaefiling.gov.in પર જાઓ. તેના હોમપેજ પર તમને ડાબી બાજુમાં Quick Links ઓપ્શન જોવા મળશે. આ લિંકની નીચે બીજા નંબર પર લખેલા Link Aadhaar પર ક્લિક કરો.
- આ પછી તમને ઉપર લાલ રંગમાં Click here લખેલું જોવા મળશે. જો તમે પહેલાથી જ PAN લિંક કરાવ્યુ છે. તો તેનું સ્ટેપ્સ આ લિંક પર ક્લિક કરીને જોઇ શકો છો.
- જો આધાર સાથે PAN લિંક ન કર્યુ હોય તો Click Hereની નીચે આપેલા બોક્સમાં PAN, આધાર નંબર, પોતાનુ નામ અને કેપ્ચા ટાઇપ કરો. પછી Link Aadhar પર ક્લિક કરો.
- હવે PAN અને આધાર લિંક થઇ જશે. જો કોઇ મુશ્કેલી આવે તો આ જગ્યાએ જ ખબર પડશે.
- ખાસ ધ્યાન રાખો કે નામ એ જ લખો જે તમારા આધાર કાર્ડ પર લખેલુ હોય.
- જો આધારમાં નામ અથવા જન્મતારીખ સંબંધિત કોઈ પરેશાની હોય તો UIDAIની વેબસાઇટ uidai.gov.in પર જઈને સુધારી શકો છો.
SMS દ્વારા:
ઈન્કમ ટેક્સ ડિપાર્ટમેન્ટ અનુસાર, 567678 અથવા 56161 પર SMS મોકલીને આધારને PAN સાથે લિંક કરી શકો છો. જેમ કે, માની લો કે આધાર નંબર 111122223333 અને PAN કાર્ડ નંબર ABCDE1234F છે. તે તમે તમારા મોબાઇલના મેસેજ બોક્સમાં UIDPAN 111122223333 ABCDE1234F લખીને SMS કરી દો. જવાબમાં તમને સ્ટેટસ ખબર પડી જશે. સામાન્ય રીતે દ્વારા આધાર-PAN સાથે લિંક થઇ શકે છે. પરંતુ જો કોઇ કારણોસર ન થાય તો તેની જાણકારી મેસેજ દ્વારા જ આપી દેવાય છે.
PAN સેન્ટર જઇને:
PAN સેન્ટર જઈને પણ આધારને પાનકાર્ડ સાથે લિંક કરાવી શકો છો. જે માટે 25 રૂપિયાથી 110 રૂપિયા સુધી અને PAN કાર્ડ તેમજ આધાર કાર્ડની ફોટોકોપી દેવી પડશે. PAN સેન્ટર શોધવા માટે tin-nsdl.com/pan-center.html પર જઈને શોધી શકો છો. અહીં તમને રાજ્ય અને શહેરના નજીકના વિસ્તારનું નામ સિલેક્ટ કરવુ પડશે. જે પછી તમને આજુબાજુના PAN સેન્ટરની જાણકારી મળી જશે.
વેબસાઇટ પર રજિસ્ટ્રેશન જરૂરી:
જો તમે કોઈ આધાર વગર માત્ર PAN નંબર દ્વારા જ રિટર્ન ભર્યું છે તો આધાર-PAN લિંક માટે તમારે આવકવેરાની વેબસાઇટ incometaxindiaefiling.gov.in પર રજિસ્ટ્રેશન કરાવવું પડશે. વેબસાઇટ લોગ ઇન કર્યા પછી જ તમારી સામે જે પેજ ખુલશે તેની પણ જમણી સાઇટમાં Profile Settings લખેલું જોવા મળશે. અહીં ક્લિક કરવાથી તમને સૌથી નીચે Link Aadhaar જોવા મળશે. પાનને આધાર સાથે જોડવા માટે આ લિંક પર ક્લિક કરો. જે પેજ ખુલશે તેમાં જાણકારી આપ્યા પછી તમારું આધાર-PAN સાથે લિંક થઇ જશે.