ચીની કંપની Bytedanceએ ભારતમાં ટીકટોક બેન થઈ ગયુ હોવા છતાં તેની ટીમમાંથી લોકોને નીકાળ્યા નહોતા પણ હવે જ્યારે તેનાં પર સ્થાઈ બેન લાગવાની વાત ચાલી રહી છે ત્યારે તેણે ભારતમાંથી તેનાં એમ્પ્લોઈઝને છૂટા કરવાનું શરુ કરી દીધું છે.
ટીકટોકની ભારતમાં વાપસી મુશ્કેલ
ભારતની ઓફિસમાંથી ટીકટોક 1800 કર્મચારીઓને નીકાળી શકે છે
Bolo Indya કરશે ટીકટોકનાં કર્મચારીઓને હાયર
ભારતનાં કર્મચારીઓને નીકાળવાનું શરુ કર્યું
ટીકટોકની પેરેન્ટ કંપનીએ ભારતમાં તેનાં કર્મચારીઓને નીકાળવાનું શરુ કરી દીધુ છે. ટીકટોકની ભારતમાં હવે વાપસી મુશ્કેલ છે અને જેથી ભારતમાં તેની કંપનીનાં 1800 કર્મચારીઓને જોબમાંથી નીકાળવામાં આવી શકે છે. જોકે હજુ એ વાતની પુષ્ટિ નથી આવી કે તેઓ કંપનીમાંથી દરેકને નીકાળશે કે ટીમ નાની કરશે. Bolo Indya અલગ ડોમેન માટે ટીકટોકનાં કર્મચારીઓને હાયર કરશે
બીજી તરફ ભારતમાં બનેલી શોર્ટ વીડિયો પ્લેટફોર્મ Bolo Indyaએ ટીકટોકમાંથી નિકાળવામાં આવેલ કર્મચારીઓને હાયર કરવાની વાત કરી છે. જે કર્મચારીઓને અલગ ડોમેન માટે હાયર કરશે. જેમાં બિઝનેસ ડેવલપમેન્ટ, યૂઝર એન્ગેજમેન્ટ, પ્રોડક્ટ મેનેજમેન્ટ, કોમ્યુનિટી મેનેજમેન્ટ, કન્ટેન્ટ સ્ટ્રેટેજી, કંટેટ મોડરેશન ફંક્શન જેવા ડોમેન સામેલ છે. આ ઉપરાંત કંપની લિડરશીપ ટીમ વધારવા માટે સિનિયર લેવલ પોઝિશન પણ હાયર કરશે. Bolo Indyaનાં સીઈઓ અને સંસ્થાપક વરુણ સક્સેનાએ કહ્યું કે, ભારતમાં ચીની એપ પર બેન લાગવાથી ભારતીય પ્રતિભા વેસ્ટ થઈ રહી છે. આ કંપનીઓમાં કામ કરનાર મોટાભાગનાં ભારતીય પ્રતિભાશાળી અને ઉત્સાહી છે. અમે તેમનામાંથી ઘણાંને હાયર કરવા ઇચ્છીએ છીએ. ચીની કંપનીએ તેનાં કર્મચારીઓને મેમો મોકલ્યો
ચીની કંપની ByteDanceએ તેનાં કર્મચારીઓને ઈન્ટરનલ મેમો મોકલ્યો છે. જેમાં કહેવામાં આવ્યું છે કે ભારતમાં તે પોતાની ટીમની સાઈઝ નાની કરશે. આશા રાખીએ છીએ કે સ્થિતિ જલ્દી સુધરશે. એપ બંધ થઈ જવાને લીધે આપણે આખા સ્ટાફ સાથે કામ નથી કરી શકતા. અમને નથી ખબર કે ભારતમાં એપની વાપસી ક્યારે થશે. થોડા સમય પહેલા ભારત સરકારે ટિકટોક સહિત 59 ચીની એપ્લિકેશન પર હંમેશા માટે બેન લગાવી દીધો હતો. યૂઝર્સનાં ડેટા અને એપ્સની પોલિસીને રિવ્યૂ કર્યાં બાદ આ બધી એપ પર બેન લગાવવામાં આવ્યો હતો.