ગુજરાતમાં અવારનવાર દારૂબંધીને લઈને સવાલો ઉઠતા રહે છે. ગુજરાતમાં દારૂબંધી હોવા છતાં દારૂ કયાંથી મળે છે? ખરેખર ખુલ્લેઆમ આ વેપલો કોણ કરે છે તેવા પ્રશ્નો ઉઠી રહ્યા છે ત્યારે ભરૂચ શહેરના ભાજપના બક્ષીપંચ મોર્ચાના ઉપપ્રમુખનો વિવાદિત વીડિયો વાયરલ થયો છે. વીડિયોમાં ખુલ્લેઆમ દારૂની બોટલ બતાવીને ચેલેન્જ કરતા જોવા મળે છે કે છે કોઈની તાકાત કે અમને રોકી શકે?
શહેર ભાજપ બક્ષીપંચ મોરચાના ઉપપ્રમુખનો વીડિયો વાયરલ
ભરૂચ શહેરના ભાજપના બક્ષીપંચ મોર્ચાના ઉપપ્રમુખનો ટીકટોકનો વીડિયો વાયરલ થયો છે. કમલેશ મોદી ઉર્ફે મુન્નાનો વિવાદીત વીડિયો ટીકટોક પર વાયરલ થયો છે. વીડિયોમાં કમલેશ મોદી દારૂની બોટલ દેખાડતા જોવા મળે છે.
ગુજરાતમાં પોલીસ કામગીરી ઉપર સવાલો
આ વીડિયોમાં તેમણે દારૂબંધીને લઈને પોલીસની કામગીરી પર સવાલ ઉઠાવ્યો છે. દારૂ હાથમાં લઈને તેમણે પોલીસને પડકાર આપ્યો છે.
વીડિયોમાં નરેન્દ્ર મોદીના નામનો ઉલ્લેખ
વીડિયોમાં કમલેશ મોદીએ દેશના પ્રધાનમંત્રી નરેન્દ્ર મોદીના નામનો પણ ઉલ્લેખ કર્યો છે. કમલેશ મોદીનો ટીકટોકનો વીડિયો સોશિયલ મીડિયામાં ખૂબ જ વાયરલ થઈ રહ્યો છે.