વિવાદ / TikTok સ્ટાર કિર્તી પટેલની ધરપકડ કરવામાં આવી, અગાઉ પણ આવી હતી વિવાદમાં

• સુરતની ટિકટોક સ્ટાર કિર્તી પટેલની ધરપકડ
• જીવલેણ હુમલો કરવાના કેસમાં ધરપકડ
• ટિકટોક વીડિયો બનાવવા મુદ્દે યુવક સાથે થયો હતો ઝગડો

સુરતની ટિકટોક સ્ટાર કીર્તિ પટેલ ફરી વિવાદમાં આવી છે. મારામારીના કેસમાં પુણાગામ પોલીસે કીર્તિની ધરપકડ કરી છે. પોલીસે કલમ 307ના ગુનામાં કીર્તિની ધરપકડ કરી છે. 

શું હતો મામલો?

કીર્તિ પટેલને ટિકટોક વીડિયો બનાવવા બાબતે એક યુવક સાથે ઝઘડો થયો હતો. ઝઘડા દરમિયાન કીર્તિએ યુવક પર જીવલેણ હુમલો કર્યો હતો. હુમલા મામલે પોલીસે તેની ધરપકડ કરી છે. નોંધનીય છે કે થોડા દિવસ પહેલા જ વન વિભાગે કીર્તિ પટેલને ઘુવડ સાથે વીડિયો બનાવવા બદલ દંડ ફટકાર્યો હતો.

ઘુવડ સાથેના વીડિયો બાદ વન વિભાગે દંડ ફટકાર્યો હતો

ટિકટોક સ્ટાર કીર્તિ પટેલનો ઘુવડ સાથેનો એક વીડિયો સોશિયલ મીડિયામાં વાયરલ થયો હતો. ઘુવડ ગુજરાત સરકાર દ્વારા સંરક્ષિત પ્રાણીઓની કેટેગરીમાં આવતું હોવાને વીડિયો વાયરલ થયા બાદ વન વિભાગે ટિકટોક સ્ટારને રૂપિયા 15 હજારનો દંડ ફટકારવામાં આવ્યો હતો. જ્યારે વીડિયો ઉતારનાર યુવકને 10 હજારનો દંડ ફટકારવામાં આવ્યો છે.