વારંવાર વિવાદમાં આવતી ટિકટોકથી ફેમસ થયેલી કીર્તિ પટેલ લુખ્ખા તત્વોની માફક ગુંડાગર્દી પર ઉતરી આવતા ફરીયાદ નોંધાઈ
કીર્તિ પટેલ હવે ગુનેગાર તરીકે ઓળખાશે
લુખ્ખા તત્વોની માફક કીર્તિ પટેલ બની બેફામ
એક યુવતીને અંગત અદાવતમાં હથિયારથી માર માર્યો
સુરતની કીર્તિ પટેલ થોડા સમય પહેલા ટિકટોક થી ફેમસ થઈ હતી. બાદમાં સુરતમાં તેની સામે પોલીસ કાર્યવાહી થઈ હતી. જોકે હવે કીર્તિ પટેલ એટલી હદે પહોંચી ગઈ છે કે તે ગુનાની દુનિયામાં પણ ફેમસ થઈ છે તેવું કહેવુ ખોટું નથી. અમદાવાદ ના એસજી હાઇવે પર એક યુવતી ને પાઈપથી માર માર્યો હોવાના આક્ષેપ સાથે પોલીસ ફરિયાદ નોંધાતા પોલીસે ગુનો નોંધી તપાસ શરૂ કરી છે.
યુવતીને શરીરના અલગ અલગ ભાગો પર ઈજા પહોંચાડી
અમદાવાદમાં રાણીપમાં રહેતી એક યુવતીએ કીર્તિ પટેલ સામે ફરિયાદ નોંધાવી.આ એજ કીર્તિ પટેલ છે હે પોતાને સ્ટાર સમજે છે પણ હકીકતમાં તે સમાજ માટે હાલ ગુનેગાર ગણાય છે. અગાઉની જેમ ફરી એક વાર તેનો વિવાદ સામે આવ્યો છે. રાણીપની યુવતી એસજી હાઇવે પર ચા પીવા ગઈ ત્યારે તેને પાઈપથી શરીરના અલગ અલગ ભાગો પર માર મારી ઇજાઓ પહોંચાડી હતી.સારવાર બાદ આ યુવતીએ ફરીયાદ કરતાં પોલીસે તપાસનો ધમધમાટ શરૂ કર્યો છે.
જૂની અંગત અદાવતમાં કીર્તિ પટેલે કર્યો યુવતી પર હુમલો
પોલીસે ઊંડાણપૂર્વક તપાસ કરતા સામે આવ્યું કે ફરિયાદી કોમલ બેન પંચાલ બ્યુટી પાર્લર ધરાવે છે. છ માસ પહેલા ઈન્સ્ટાગ્રામ એપ્લિકેશનમાં લાઈવ તેના મિત્રો સાથે હતા.ત્યારે અંદરોઅંદર વિડિયો દ્વારા વાતો કરતા હતા. તે સમયે ટીકટોક એપ્લિકેશન થી ફેમસ થયેલી સુરતની કીર્તિ પટેલ એ અચાનક આ યુવતી સાથે લાઈવ આવી ને ગાળો આપી હતી. જે બાબતે ઝઘડો થયો હતો અને તે બાબતે યુવતીએ તે સમયે સાઇબર ક્રાઇમમાં ફરિયાદ કરી હતી. ગત 21 ફેબ્રુઆરીના રોજ આ યુવતી તેના ઘરે હાજર હતી તે દરમિયાન ઇન્સ્ટાગ્રામમાં લાઈવ હતી. તે દરમિયાન તે વીડિયોમાં કોઈએ કોમેન્ટ કરી હતી કે તમારી ગાડીના કાચ તૂટયા છે. જેથી આ યુવતી તેના ફ્લેટમાં નીચે તેની ગાડી જોવા જતી હતી. યુવતીએ નીચે જઈને જોતાં તેની ગાડી ના બધા કાચ તૂટેલી હાલતમાં હતા અને ત્યાં કોઇ હાજર નહોતું.
જાનથી મારી નાખવાની ધમકી આપી
બાદમાં આ યુવતી અને તેની મિત્ર ગાડીની ચાવી લઈને ચા પીવી હોવાથી એસ.જી.હાઈવે કર્ણાવતી ક્લબ ની બાજુમાં ખેતલાઆપા ટી સ્ટોલ ગઈ હતી.તે દરમિયાન સવારે ચારેક વાગ્યાની આસપાસ અચાનક તેની ગાડીના પાછળનો કાચ તૂટવાનો અવાજ આવતા તે ગાડીમાંથી ઉતરીને જોવા ગઈ. ત્યારે અચાનક જ માથાના પાછળના ભાગે કોઈએ તેને કોઈ વસ્તુનો ફટકો માર્યો હતો. ત્યારે યુવતીએ પાછળ વળીને જોતા સુરતની ટિકટોકથી ફેમસ થયેલી કીર્તિ પટેલ લોખંડની પાઇપ લઈને ઉભી હતી અને બિભત્સ ગાળો બોલવા લાગી હતી. બાદમાં આ કીર્તિ અને તેના સાગરીતોએ અમારા ગ્રુપની સામે પડી છે અને અમે જાનથી મારી નાખીશું તેવી ધમકીઓ આપી હતી.
પોલીસે ફરિયાદ નોંધતા કાર્યવાહી શરૂ કરી
કીર્તિ પટેલ અગાઉ પણ અનેક વિવાદોમાં આવી ચૂકી છે છતાં પણ તેણે ફરી એક વખત ગુનાને અંજામ આપતા સેટેલાઈટ પોલીસે તેને પકડવા માટે ચક્રો ગતિમાન કર્યા છે.હવે પોલીસની એક ટીમ સુરત ખાતે જઈને તપાસ કરી આ ગુનેગાર કીર્તિ ને ઝડપી પાડશે ત્યારે અનેક બાબતો પણ સામે આવી શકે છે.