ના હોય ! / ઇમરાન ખાનની ખુરશી આ છોકરીએ 'સંભાળી', પાકિસ્તાનમાં મચી ધમાલ

• ટિક ટોક સ્ટાર પહોંચી ઇમરાનની ઓફિસમાં
• હરીમ શાહનો વીડિયો પાક.માં હડકંપ
•  ટિક ટોક વીડિયો થયાં વાયરલ 

વીડિયોમાં હરીમ સમગ્ર ઓફિસમાં ટહેલતી નજર આવી રહી છે. ત્યારબાદ કોન્ફરન્સ રૂમ અને અન્ય એક જગ્યાએ ખુરશી પર બેસીને પણ ટિક ટોક વીડિયો બનાવે છે. આ ઘટના બાદ સોશિયલ મીડિયા પર બબાલ મચી છે. તો બીજી તરફ હરીમે એક ખાનગી ચેનલને આપેલા ઈન્ટરવ્યૂમાં પોતાનો બચાવ કર્યો છે. 

હરીમ શાહનો વીડિયો પાક.માં હડકંપ

Hareem Shah the tiktoker is in PM Office, how did that happen? pic.twitter.com/OCLFrk1aiL

— Adeel Raja (@adeelraja) October 22, 2019

તેમણે વધુમાં કહ્યું કે, હું મંજૂરી લઈને જ વિદેશ મંત્રાલયમાં પહોંચી હતી અને જો વીડિયો બનાવવો નિયમો વિરૂદ્ધ હતો તેમણે અમને વીડિયો બનાવવાની અનુમતી જ ન આપવી જોઈએ. ઉલ્લેખનીય છે કે, હરીમ શાહ આ પહેલાં પણ ઈમરાન ખાન સહિતના નેતાઓ સાથે ટિક ટોક વીડિયો બનાવી ચૂકી છે અને ટિક ટોક પર તેના લાખો ફેન છે.

 ટિક ટોક વીડિયો થયાં વાયરલ 

આપને જણાવી દઇએ કે, પ્રધાનમંત્રી ઇમરાન ખાનની સાથે તે ટિક ટોક વીડિયો અને તસવીરો વાયરલ થયેલ છે. લોકો તે વાતથી પરેશાન છે કે જે રાજનેતા સાથે મુલાકાત પણ મુશ્કેલ છે તેમની સાથે છોકરીઓ ટિક ટોક વીડિયો કેવી રીતે બનવી લે છે. 

આ રીતે પહોંચે છે તે નેતાઓ સુધી 

પાકિસ્તાની ન્યૂઝ ચેનલ જિયો પાકિસ્તાન સાથે વાતચીત કરતા હરીમે કહ્યું કે તેણીએ ટિક ટોક વીડિયો મજા માટે બનાવવાનું શરૂ કર્યું હતું. તેણીને પૂછવામાં આવ્યું કે પ્રભાવશાળી રાજનેતાઓ સુધી તે પહોંચે છે કેવી રીતે ? તેના જવાબમાં હરીમે કહ્યું 'હું પાકિસ્તાનની રાજકીય પાર્ટી તહરીક-એ-ઇન્સાફ 'ની મોટી સમર્થક છું અને હું પાર્ટી સાથે જોડાયેલી છું. એટલા માટે મને PTI ના નેતાઓને મળવાની તક મળી જાય છે અને તેમની સાથે હું ટિક ટોક વીડિયો બનાવું છું.