સુસાઈડ / 'તેરી સુરત ના હો જીસમે' વીડિયો બનાવી રાજકોટની TikTok સ્ટારે કર્યો આપઘાત

• દેરડી કુંભાજી ગામની યુવતીએ કર્યો આપઘાત
• ગળેફાંસો લગાવતા અગાઉ યુવતીએ બનાવ્યો ટિકટોક વીડિયો
• 5 અલગ અલગ વીડિયો અપલોડ કર્યા બાદ ભર્યુ પગલુ 

રાજકોટના દેરડી કુંભાજી ગામની યુવતીએ ગળેફાંસો ખાતા પહેલા 5 અલગ અલગ વીડિયો ટિકટોક પર અપલોડ કર્યા હતા બાદમાં આ પગલુ ભર્યું હતું. જો કે યુવતીના આપઘાત અંગેનું કારણ હજુ સુધી જાણી શકાયું નથી. પરંતુ પોલીસે યુવતીના આપઘાત અંગે વધુ તપાસ હાથધરી છે.

આ યુવતીના TikTok એકાઉન્ટ પર દોઢ લાખથી વધારે ફોલોવર્સ હતા. આટલા પ્રસંશકો અને યુવા વર્ગમાં નામના ધરાવતી આ યુવતીએ અચાનક જ ગળેફાંસો ખાઈ આત્મહત્યા કરી લીધી હતી. આત્મહત્યા સાથે જ તેના મોતનું રહસ્ય રહસ્ય જ રહી ગયું છે.

જિંદગી આજકાલ ફૂલ જેવી છે. સવારે ખીલે છે અને સાંજે કરમાઈ જાય છે. ફોટોમાં જોવા મળતી આ ટિકટોક સ્ટારને કાઠીયાવાડની પ્રજા આ સારી રીતે જાણતી હશે. આ યુવતીના લાખો ફોલોવર્સ છે. સમાજ અને મિત્રોને તેના પર બહુમાન હતું. તે નિત નવા વિડીયો બનાવી તેના ચાહકોને હંમેશા ખુશ રાખતી હતી. આ ટિકટોક સ્ટારે ગઈકાલે અચાનક જિંદગીને અલવીદા કરી દીધી.

મહત્વનું છે કે, ગળેફાંસો કરતા પહેલા પણ તેને સેડ સોંગ અપલોડ કર્યા હતા. જે ઘણા લાગણીસભર હતા. માતા-પિતાને ભરણપોષણ અંગે ઝઘડો ચાલતો હોવાથી પરિવાર તેના પિતાથી અલગ રહેતો હતો.

દરમિયાન આશાસ્પદ યુવતીએ અકાળે મોત મીઠું કરી લેતા પરિવાર શોક મગ્ન બન્યો હતો. 'તુમ્હે ના હો પસંદ ઉસકો દુબારા હમ ન દેખેંગે, તેરી સુરત ના હો જીસમે વો જમાના હમ છોડ દેન્ગે' ગીત ટિકટોકમાં અપલોડ કરી આત્મહત્યા કરી હતી.