વિવાદ / રાતોરાત ટિકટોકનું રૅટિંગ 1.2 થી 4.4 થયું, જાણો કેવી રીતે? 

ટિકટોક VS યુટ્યુબના આ વૉરમાં ટિકટોક યુઝર્સને આલોચના સહન કરવાનો વારો આવ્યો હતો. થોડા સમય પહેલા કૅરી મિનાટીનો એક વિડીયો ખૂબ વાઇરલ થયો હતો. જેમાં એ ટિકટોક યુઝર આમિર સિદ્દીકીને રોસ્ટ કરી રહ્યો હતો. એ વિડીયો બાદ કૅરી મિનાટીના વિડીયોને યુટ્યુબ પરથી હટાવી દેવામાં આવ્યો હતો. બાદમાં કૅરીના ફેન્સ ટિકટોકને અનઇનસ્ટોલ કરીને ઓછા રૅટિંગ આપવા લાગ્યા હતા. 3 થી 4 દિવસમાં જ ટિકટોકનું રૅટિંગ 4.6 થી ઘટીને 1.2 થઇ ગયું હતું. આ બાબત બાઇટ ડાન્સ કે જે ટિકટોકની પેરેન્ટ કંપની છે તેના માટે ઘણી જ ચિંતાયુક્ત બની હતી. 

• ટિકટોકના રૅટિંગ વધ્યા
• ટિકટોક VS યુટ્યુબ કિસ્સો

ટિકટોક VS યુટ્યુબ હૅશટૅગ પણ ટ્રેન્ડ કરવા લાગ્યું હતું. કૅરી મિનાટીએ પોતાનો વિડીયો ડિલિટ થયો તેને લઇને પણ એક વિડિયો બનાવ્યો હતો જેમાં તેણે કહ્યું હતું કે, લોકો પોતાની રીતે અઝમ્પશન કરીને વિડીયોને જજ કરી લેતા હોય છે. જેનાથી તે એક અલગ જ પ્રકારના નિષ્કર્ષ પર પહોંચી જતા હોય છે. એવું ના કરવું જોઇએ. દરેક માણસના અલગ અલગ પ્રસપેક્ટિવ હોય છે. બસ કૅરીને સેડ જોઇને તેના ફૅન્સ ટિકટોકને અનઇનસ્ટોલ કરવાની અને ઓછા રૅટિંગ આપવા માટે મથી પડ્યા. દિગ્ગજ કલાકાર મુકેશ ખન્ના પણ કૅરી મિનાટીના સપોર્ટમાં આવ્યા હતા. તેમણે પણ ટિકટોકને ભારતનું દુષણ ગણાવ્યુ હતું. 

હવે ફરી એકવાર ટિકટોકનું રૅટિંગ 1.2 થી વધીને 4.4 થઇ ગયું છે. પ્લે સ્ટોર પર 1 સ્ટારનો રૅશિયો પણ ખૂબ ઓછો છે. જ્યારે 5 સ્ટારનો રૅશિયો ખૂબ વધારે છે.