ટેક્નોલોજી / TikTokએ પોતાની સોશ્યિલ મીડિયાની પ્રોફાઈલમાં લગાવ્યો ભારતનો ફ્લેગ, યૂઝર્સે રોષ ઠાલવતાં લખ્યું...

• ટિકટોક લાવ્યું આ બદલાવ
• લોગો સાથે લગાવ્યો ભારતનો ધ્વજ
• ભડકેલા યૂઝર્સે લખ્યું RIP

ઉલ્લેખનીય છે કે ટિકટોકનો પહેલાંથી જ વિરોધ કરવામાં આવી રહ્યો છે. આ પરિસ્થિતિમાં એપના પ્રોફાઈલ ફોટોમાં ભારતના ધ્વજને લગાવીને ગ્રાહકોની સાથે પોતાનો નાતો જોડવાનું બતાવાયું છે. ટિકટોકના ઓફિશિયલ ફેસબુક પેજ પર 1.5 કરોડથી પણ વધારે ફોલોઅર્સ છે. એપની પ્રોફાઈલ ફોટોમાં શનિવારે સાંજે બદલાવ આવ્યો છે. તેની પર ભારતીય ધ્વજ લગાવીને યૂઝર્સની નારાજગી વહોરી છે. ફેસબુકના પ્રોફાઈલ ફોટો પર પણ અનેક યૂઝર્સે કમેન્ટમાં RIP  લખીને સ્પૈમ કર્યું અને રિએક્શનના આધારે ‘angry’ અને ‘funny’ ના ઈમોજી મૂક્યા છે. 

ડાઉનલોડમાં આવ્યો મોટો ઘટાડો

લદ્દાખમાં વધતા તણાવને લઈને અનેક ભારતીયોએ પોતાના સ્માર્ટફોનમાં અનેક ચાઈનીઝ એપ્સને અનઇન્સ્ટોલ કરી છે. એક રિપોર્ટના આધારે તમામ લોકપ્રિય ચાઈનીઝ એપના ડાઉનલોડમાં ઘટાડો જોવા મળી રહ્યો છે. આ એપ્સમાં TikTok, Bigo Live, PUBG, Likee, Heloનો સમાવેશ થાય છે.