વીડિયો સોશિયલ મીડિયા એપ ટિકટોક પરને લઇને ચીનની કંપની બાઇટડાંસ લિમિટેડને ભારતમાં તેના ત્રણ એપ પર પ્રતિબંધ લાગવાના કારણે અંદાજે 6 અરબ ડોલરથી વધારે નુકસાન થવાનું અનુમાન છે. કંપનીની અન્ય એપ વીગો વીડિયો અને હેલો છે. ઉલ્લેખનીય છે કે ભારત સરકારે સોમવારે ચીનની કુલ 59 એપ પર રોક લગાવી દીધી હતી. જેમાં ટિકટોક, વીગો વીડિયો, હેલો, યૂસી બ્રાઉઝર, યૂસી ન્યૂઝ, વીચેટ અને શેરચેટ જેવી એપ સામેલ છે.
ભારત સરકારે દેશની સંપ્રભુતા અને અંખડતા અને ડેટા સુરક્ષાના ખતરાને ધ્યાનમાં લઇને એપને બંધ કરી દેવામાં આવી. પરંતુ સરકારના આ નિર્ણયને 15 જૂનના રોજ લદ્દાખની ગલવાન ઘાટીમાં ભારત-ચીન વચ્ચે થયેલ હિંસક સંઘર્ષ સાથે જોડીને જોવામાં આવી રહ્યું છે. આ સંઘર્ષમાં ભારતીય સેનાના 20 જવાન શહીદ થયા હતા.
ચીનના કાઇશિન ગ્લોબલ ડોટ કોમમાં બાઇટડાંસના એક વરિષ્ઠ અધિકારીએ જણાવ્યું કે 6 અરબ ડોલરનું નુકસાન ભારત દ્વારા પ્રતિબિંધિત અન્ય ચીનની એપના કુલ નુકસાનથી વધારે થવાની શક્યતા છે. બાઇટડાંસ ચીનની ઉભરતી ટેકનિક કંપની છે. ડેટા સુરક્ષાના કારણે ભારત સિવાય ઘણા અન્ય દેશોમાં પણ સ્થાનિક સરકારોના વિરોધનો સામનો કરવો પડી રહ્યો છે.
રિપોર્ટમાં ભારતના 59 ચીનની એપ પરના પ્રતિબંધને અનઅપેક્ષિત બતાવ્યું છે. તેના જણાવ્યાં મુજબ જેનાથી ટિકટોકના વૈશ્વિક વિસ્તારને એક મોટો ઝટકો લાગશે.