નવી એપ / TikTok વાળી કંપની લાવી નવી ધમાકેદાર ઍપ, લૉન્ચ પહેલાં જ ધડાધડ થવા લાગી ડાઉનલોડ

• આ એપના ફ્રી અને પેઈડ એમ બંને વર્ઝન છે 
• પેઈડ વર્ઝન માટે માસિક 119 રૂપિયા ચૂકવવા પડશે

Bytedance ભારતમાં Resso નામની એપ લાવી છે. અત્યારે આ એપનો બીટા વર્ઝનમાં ભારત અને ઇન્ડોનેશિયામાં ટેસ્ટ કરવામાં આવી રહ્યો છે. આ એક મ્યુઝિક સ્ટ્રીમિંગ સર્વિસ છે. એપ એનાલિટિક્સ ફર્મ સેન્સર ટાવર મુજબ આ એપ આશરે 1 લાખ વખત ડાઉનલોડ કરવામાં આવી છે. આ એપ ગૂગલ પ્લે અને એપ સ્ટોર ઉપર ઉપલબ્ધ છે. ગૂગલ પ્લે સ્ટોર ઉપર આના 1 લાખથી વધુ ડાઉનલોડ છે. 

ફ્રી અને પેઈડ એમ બંને વર્ઝન છે 

આ એપ Moon Video Inc.એ ડેવલપ કરી છે અને રિપોર્ટ અનુસાર આ એપ માટે T series અને times music સાથે પાર્ટનરશિપ કરવામાં આવી છે. આ કંપની આનાથી પણ મોટા મ્યુઝિક પ્લેયર્સ સાથે ડીલ કરી શકે તેમ છે. ગ્રાહકોને આકર્ષિત કરવા માટે આ એપનું જાહેરાતો સાથેનું ફ્રી વર્ઝન પણ કાઢવામાં આવ્યું છે. પેઈડ વર્ઝન માટે માસિક 119 રૂપિયા ચૂકવવા પડશે. નિષ્ણાત સંશોધનકર્તાઓના મતે ભારતીયો મ્યુઝિક એપ્સમાં મફતમાં ગીતો સાંભળવા વધુ પસંદ કરે છે. 

બજારમાં સ્પર્ધા વધી રહી છે 

Global market consulting firm Deloitte અનુસાર ભારતના ઓનલાઇન માર્કેટે 273 મિલિયન ડોલરનો આંકડો વટાવ્યો છે. બજારમાં તગડી સ્પર્ધાના કારણે આ મ્યુઝિક સ્ટ્રીમિંગ એપ્સે પોતાના સબ્સ્ક્રિપશન પેકના ભાવો ઘટાડવા પડ્યા છે અને વીકલી અને ડેઇલી પ્લાન્સ પણ બહાર પાડવા પડ્યા છે.