શોર્ટ વીડિયો મેકિંગ એન્ડ શેરિંગ પ્લેટફોર્મ ટિકટોક પર એક નવું ફીચર લોન્ચ કરવામાં આવ્યું છે. જેની મદદથી પેરેન્ટ્સ તેમના બાળકોના એકાઉન્ટને કંટ્રોલ કરી શકશે. સેફ્ટી મોડ નામનું આ ફીચર આવ્યા બાદ પેરેન્ટ્સ કંટ્રોલ કરી શકશે કે તેમના બાળકો ટિકટોક પણ કેવું કન્ટેન્ટ જોઈ શકશે. આ સેફ્ટી મોડ પેરેન્ટ્સના એકાઉન્ટને તેમના બાળકોના એકાઉન્ટથી લિંક કરી દે છે. જે બાદ યુઝરની ફીડમાં સ્ક્રીન મેનેજમેન્ટથી જોડાયેલું પ્રોમ્પ્ટ દેખાય છે.
પેરેન્ટ્સ માટે સારા સમાચાર
ટિકટોક પર એક નવું ફીચર થયું લોન્ચ
પેરેન્ટ્સ બાળકોના એકાઉન્ટને કરી શકશે કંટ્રોલ
સોશિયલ મીડિયા પ્લેટફોર્મના હેડ ઓફ ટ્રસ્ટ એન્ડ સેફ્ટી યુરોપના કોરમેક કીનને જણાવ્યું કે, આ એપ્લિકેશન નવા ફીચર પર કામ કરી રહી છે. આ ફીચર માટે પ્લેટફોર્મના કેટલાક સૌથી લોકપ્રિય યુઝર્સ સાથે મળીને કામ કરવામાં આવ્યું છે અને નવા પ્રોમ્પ્ટની ટેસ્ટિંગ ચાલી રહી છે. આગળ તેમણે કહ્યું, 'અમે અમારા સમુદાયને જાણકારી આપવા માંગીએ છે કે, તેઓ આ પ્લેટફોર્મ પર કેટલો સમય વિતાવે છે. આ સાથે જ અમે તેમને બહાર સમય પસાર કરવા માટે પણ પ્રેરિત કરવા માગીએ છીએ.
પેરેન્ટ્સને મળ્યો કંટ્રોલ
બ્લોગ પોસ્ટમાં નવા ફીચર વિશે વિગતો આપતાં કીનને કહ્યું, જ્યારે લોકો ટિકટોકનો ઉપયોગ કરે છે, ત્યારે અમે જાણીએ છીએ કે તેમનો અનુભવ મજેદાર, સ્પષ્ટ અને સલામત છે. અમે યુઝર્સને પ્લેટફોર્મ પર સુરક્ષિત અનુભવ આપવા માંગીએ છીએ અને આ માટે અમે સતત નવા ફીચર્સ લાવી રહ્યાં છે. અમે હવે ફેમિલી સેફ્ટી મોડની ઘોષણા કરી છે, જેની મદદથી માતા-પિતા અથવા વાલીઓ કિશોરો અને બાળકો પર નિયંત્રણ રાખી શકશે.
ભારતમાં ખૂબ જ પોપ્યુલર છે આ એપ
ભારતમાં આ શોર્ટ વીડિયો મેકિંગ એપ ટૂંક સમયમાં ઘણી જ પોપ્યુલર થઈ ગઈ છે. ભારતીય યુઝર્સ ટિકટોક પર વર્ષ 2018ની સરખામણીમાં વર્ષ 2019માં 6 ગણો વધુ સમય વિતાવ્યો છે. આંકડાઓની માનીએ તો વર્ષ 2019માં ભારતીયોએ 5.5 અબજ કલાક ટિકટોક ચલાવ્યું છે. મોબાઈલ અને ડેટા એનાલિટિક્સ ફર્સ મુજબ, એન્ડ્રોઇડ યુઝર્સે વર્ષ 2018માં ટિકટોક પર કુલ 900 મિલિયન (9 કરોડ) કલાક વિતાવ્યા હતા. ગ્રોથની દ્રષ્ટિએ આ એપ ફેસબુકથી પણ આગળ નીકળી ગઈ છે.