IPLIN
 

આર્થિક સહાય / કોરોના સંકટમાં ભારતની સૌથી લોકપ્રિય એપ TikTok મદદ માટે આવી આગળ, આટલા રૂપિયા આપ્યા દાનમાં

Team VTV 02:13 PM, 02 Apr 20
Follow us
TikTok India Donated 100 Crore For Battle With Coronavirus Covid 19

કોરોના વાયરસ સામેની જંગ માટે પીએમ નરેન્દ્ર મોદીની અપીલ બાદ દેશના તમામ ક્ષેત્રોના જાણીતા લોકો દિલ ખોલીને દાન આપી રહ્યા છે. બોલિવૂડ સ્ટાર્સમાં અક્ષય કુમાર, સલમાન ખાન, અમિતાભ બચ્ચન સહિતના ઘણાં સ્ટાર્સે દાન આપ્યું છે. ત્યારે બિઝનેસ જગતના આનંદ મહિન્દ્રા, મુકેશ અંબાણી, અજીમ પ્રેમજી, રતન ટાટાએ મોટી રમક દાનમાં આપી દેશસેવા કરી છે. અનેક ક્રિકેટરોએ પણ દાન આપ્યું છે ત્યારે હવે આ લિસ્ટમાં ભારતની સૌથી લોકપ્રિય એપ ટિકટોક ઈન્ડિયાનું પણ નામ જોડાઈ ગયું છે. ટિકટોકે પીએમ રાહત ફંડમાં આટલી મોટી રકમ દાન આપી છે.

  • કોરોના સંકટ સામે લડવા પીએમ મોદીએ દાન આપવાની કરી હતી અપીલ
  • બોલિવૂડ સ્ટાર્સથી લઈને ક્રિકેટરોએ દિલ ખોલીને આપ્યું દાન
  • હવે આ લિસ્ટમાં ટિકટોક ઈન્ડિયા એપનું નામ પણ જોડાઈ ગયું

ટિકટોક ઈન્ડિયાએ ટ્વિટ કરીને દાન આપવાની જાહેરાત કરી છે અને લખ્યું કે, કોરોના વાયરસને વધતાં રોકવા માટે આ લડાઈમાં અમે 100 કરોડ રૂપિયની સાથે 4 લાખ મેડિકલ પ્રોટેક્ટિવ સૂટ અને ડોક્ટર્સ અને મેડિકલ સ્ટાફ માટે 2 લાખ માસ્ક દાનમાં આપીશું. આ રીતે ટિકટોક ભારતની મદદ માટે આગળ આવ્યું છે. 

તમને જણાવી દઈએ કે, ભારતમાં કોરોના સંક્રમિતોની સંખ્યા સતત વધતી જઈ રહી છે અને આ આંકડો 2000ને પાર કરી ગયો છે. સાથે જ 50થી વધુ લોકોનું આ ચેપથી મોત નીપજી ચૂક્યું છે. ભારતની આ સ્થિતિને જોતા મોટા-મોટા બોલિવૂડ સ્ટાર્સ, દિગ્ગજ ઉદ્યોગપતિ અને કિક્રેટરો દૈનિક શ્રમિકો, જરૂરિયાતમંદોની મદદમાં આગળ આવી રહ્યાં છે. હાલ દેશમાં 21 દિવસનું લોકડાઉન છે ત્યારે આના કારણે પણ દેશની આર્થિક સ્થિતિ પર ખરાબ અસર પડવાની છે. આ ખતરનાક વાયરસ આપણાં દેશમાં પગપેસારો ન કરે તે માટે ભારત સરકાર સતત સાવચેતીના પગલાં લઈ રહી છે.
 

Help PM relief fund donation Coronavirus TikTok India
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ