અત્યારે મોટાભાગના લોકો ટિકટૉકમાં વીડિયો બનાવી રહ્યા છે. છોકરા છોકરીઓ સાથે વૃધ્ધો અને બાળકોને પણ ટિકટૉકની લત લાગી ગઇ છે અને બધા ટિકટૉકના અભિનેતા બની ગયા છે. જ્યારે ટિકટૉક પર વીડિયો બનાવવાની ઉત્તરપ્રદેશની એક એવી ઘટના સામે આવી છે જે સાંભળીને તમારા હોશ ઉડી જશે.
ઉત્તરપ્રદેશના મિર્ઝાપુર જીલ્લામાં ધોરણ સાતમાં અભ્યાસ કરતો વિધ્યાર્થી પોતાનો રૂમ બંધ કરી ટિકટૉક પર વીડિયો બનાવી રહ્યો હતો. ઘરના સભ્યોએ જ્યારે દરવાજો ખોલ્યો અને દ્રશ્યો જોઇને હોશ ઉડી ગયા.
મિર્ઝાપુર શહેરના કોતવાલી વિસ્તારમાં 14 વર્ષીય બાળક ટિકટૉક પર વીડિયો બનાવવા માટે સ્ટંટ કરવા લાગ્યો. પોતાની કમરમાં બેલ્ટ બાંધીને ગોતા લગાવતો હતો. ત્યારે બેલ્ટ ઢીલો થઇ ગયો. આ છોકરાએ જેવો પાછળ ઉછળીને પલટવાનો પ્રયાસ કર્યો તો કમરમાં બાંધેલો બેલ્ટ ગળામાં આવી ગયો અને કસીને ફસાઇ ગયો તો આ છોકરો લટકી ગયો.
ઘરના સભ્યોએ જ્યારે દરવાજો ખોલ્યો તો છોકરો ગળામાં ફંદા સાથે લટકતો જોવા મળ્યો. ત્યારબાદ તેને હોસ્પિટલ લઇ જવાયો પરંતું ડોક્ટરોએ તેને મૃત જાહેર કર્યો. પોલીસનું કહેવું છે કે આજકાલ છોકરાઓમાં ટિકટૉક પર વીડિયો બનાવવાનો ક્રેઝ છે અને ટિકટૉક પર લોકો વધારે સ્ટંટ કરી રહ્યા છે તો દરેક પરિવારે પોતાના બાળકનો ખ્યાલ રાખવો જોઇએ.