છેલ્લા કેટલાક સમયથી સોશિયલ મીડિયા પર જાણીતી એપ ટિક ટૉક અને હેલો ફરીથી એક વખત મુશ્કેલીમાં છે. APPનો ઉપયોગ રાષ્ટ્ર વિરોધી ગતિવિધિઓમાં થતો હોવા મામલે કેન્દ્ર સરકારે નોટિસ પાઠવી 24 સવાલોના જવાબ માંગ્યા છે. બન્ને એપ્લિકેશનને 22 જુલાઈ સુધીમાં યોગ્ય જવાબ આપવા માટે જણાવવામાં આવ્યું છે.
યંગસ્ટર્સમાં લોકપ્રિય થયેલી ટીકટોક અને હેલો એપ્લિકેશનને કેન્દ્ર સરકારે નોટિસ ફટકારી છે. કેન્દ્ર સરકારે નોટિસ પાઠવીને 24 સવાલના જવાબ માગ્યા છે. સરકારે નોટિસમાં એપ્લિકેશનનો ઉપયોગ રાષ્ટ્ર વિરોધી ગતિવિધિમાં થતો હોવાનો ઉલ્લેખ કર્યો છે. અને આ મામલે બન્ને એપ્લિકેશનના ફાઉન્ડરને નોટિસ ફટકારી છે.
કેન્દ્ર સરકારે આ મામલે 22 જુલાઈ સુધીનો સમય આપ્યો છે. આ બન્ને એપ્લિકેશનના ફાઉન્ડરને 22 જુલાઈ સુધીમાં જવાબ આપવો પડશે. અને જો યોગ્ય જવાબ નહીં મળે તો ભારતમાં આ બન્ને એપ્લિકેશન પર પ્રતિબંધ લાગી શકે છે.
આ સાથે કેન્દ્ર સરકારે બન્ને એપ્લિકેશને એકઠા કરેલા ડેટા અને ભારતમાં તેની ઓફિસ અને કર્મચારીઓની પણ વિગતો માગી છે. જો કે ટિક ટૉપ પર પહેલા પણ આવા આરોપ લાગી ચુક્યા હતા અને થોડા સમય માટે પ્રતિબંધ પણ મૂકવામાં આવ્યો હતો.
જો કે આ બાબતે ટિક ટૉક અને હેલોએ નિવેદન આપતા જણાવ્યું છે કે, 'અમે સરકારને પૂરી રીતે સાથ આપીશું અને અમે અમારી જવાબદારી જાણીએ છીએ. ભારતમાં અમારા પ્લેટફોર્મને આગળ વધારવાની તક મળી છે.'