મુર્ખામી / કોરોના ચેલેન્જમાં એવું કામ કર્યુ કે જોઈને માથું ફાટી જશે, આખરે યુવક થયો કોરોનાગ્રસ્ત

નોંધનીય છે કે આ પહેલા યુવાનો સુપર માર્કેટમાં આઈસ્ક્રીમના બાઉલ ચાટતા હોય તેવા વીડિઓ વાઈરલ થયા હતા. આ વીડિઓ પછી ૨૨ વર્ષીય 'એવા લુઈ'એ પ્લેનમાં ટોઇલેટની સીટ ચાટતો વીડિઓ મુક્યો હતો અને તેને નામ આપ્યું હતું કોરોના વાયરસ ચેલેન્જ. 

ત્યાર બાદ કોરોના સામે જાગૃતિ ફેલાવાના નામે લાર્સે આવી ગંદી હરકત કરી હતી. 

આમ કરવાના થોડા સમય પછી તેણે આવો વીડિઓ મુક્યો હતો જેમાં તેણે કહ્યું હતું કે તે હાલ હોસ્પિટલમાં છે અને તેને કોરોના વાયરસ પોઝીટીવ આવ્યો છે.

બ્રિટિશ કાર્યક્રમ ગુડ મોર્નિંગ બ્રિટનના હોસ્ટ પીઅર્સ મોર્ગને પોતાનો ક્રોધ વ્યક્ત કરતા કહ્યું હતું કે આ વ્યક્તિને હોસ્પિટલમાં નહિ જેલમાં મોકલવાની જરૂર છે. મોર્ગને કહ્યું કે કર્મનું ચક્ર ટાળી શકાય એમ નથી. પોતાની મુર્ખામી અને ફોલોઅર્સ વધારવાની ભૂખમાં આ વ્યક્તિ પોતે કોરોના વાયરસનો દર્દી થઇ ગયો. 

નોંધનીય છે જે લાર્ઝ પોતે પોતાના એકાઉન્ટમાં લક્ઝરી ગાડીઓ સાથેના તેના ફોટા અપલોડ કરતો હોય છે. તેણે એક વખત એવું નિવેદન આપ્યું હતું કે તેને તેના પરિવારની કોઈ પરવા નથી. જો તેના પરિવાર પાસે બહુ પૈસા ભેગા થઇ જશે તો જ તે તેમની સાથે સંબંધ રાખશે. 

આ પહેલા પણ કોડી ફીસ્ટર નામના ૨૬ વર્ષીય અમેરિકને વોલમાર્ટ માં જઈને ત્યાંની પ્રોડક્ટને ચાટતો વીડિઓ સ્નેપ ચેટ મુક્યો હતો.

અમેરિકામાં કોરોના વાયરસ કુદકે ને ભૂસકે વધી રહ્યો છે અને એવામાં યુવાનો આવા વીડિઓ બનાવે છે જે સૂચવે છે કે અમેરિકામાં કોરોના વાયરસને લઇને હજુ કોઈ ગંભીરતા દેખાતી નથી. જો આમ જ ચાલુ રહ્યું તો અમેરિકાએ ગંભીર પરિણામો ભોગવવા તૈયાર રહેવું પડશે.