મહામારી / ટિકટોક વીડિયોને લઇને ચર્ચામાં આવેલા પોલીસ કોન્સ્ટેબલ અર્પિતા ચૌધરીનો કોરોના રિપોર્ટ પોઝિટિવ

• પોલીસ કોન્સ્ટેબલ અર્પિતા ચૌધરી કોરોના પોઝિટિવ
• લોકઅપ સામે વીડિયો બનાવ્યા બાદ થયાં હતા સસ્પેન્ડ 

ઉલ્લેખનીય છે કે, મહેસાણા પોલીસ સ્ટેશનમાં મહિલા કોન્સ્ટેબલ તરીકે ફરજ બજાવતા અર્પિતા ચૌધરી ટીકટોકમાં વીડિયો બનાવવાને લઇને ચર્ચામાં આવ્યા હતા. તેણીએ પોલીસ સ્ટેશનના લોકઅપ સામે ઉભા રહીને ટીકટોકમાં એક વીડિયો બનાવ્યો હતો. જે ખૂબ જ પ્રમાણમાં વાયરલ થતાં વિવાદનું કારણ બન્યો હતો. 

ટિકટોક સ્ટાર અર્પિલા ચૌધરીનો કોરોના રિપોર્ટ પોઝિટિવ 

આ ઘટનાને પગલે તાત્કાલિક અસરથી તેમને ફરજ પરથી સસ્પેન્ડ કરવામાં આવ્યા હતા. પરંતુ રાજ્યમાં કોરોનાની વણસેલી સ્થિતિને લઇને તેઓને ફરી ફરજ પર બોલાવવામાં આવ્યા હતા. ત્યારે આજરોજ તેમનો કોરોના રિપોર્ટ પોઝિટિવ આવતા તાત્કાલિક અસરથી સારવાર અર્થે ખસેડવામાં આવ્યા હતા. 

રાજ્યમાં કોરોનાના દર્દીઓની સંખ્યા 5 હજારને પાર પહોંચી 

ઉલ્લેખનીય છે કે, ગુજરાતમાં કોરોના વાયરસનો આંકડો 5000ને પાર થયો છે. તો બીજી તરફ કેટલાક કોરોનાગ્રસ્ત દર્દીઓ સ્વસ્થ થઇને ઘરે પણ જઇ રહ્યા છે. રાજ્યના છેલ્લા 24 કલાકના કોરોના વાયરસના કુલ કેસો અંગેની વિગતવાર માહિતી આપવા રાજ્ય સરકારના આરોગ્ય વિભાગના અગ્રસચિવ જ્યંતિ રવિએ પ્રેસ કોન્ફરન્સ યોજી હતી. જેમાં તેમણે કહ્યું કે, છેલ્લા 24 કલાકમાં નવા 333 કેસ નોંધાતા કુલ કેસની સંખ્યા 5054 થઇ છે.