ઇનામ / આ એપ્લિકેશન યૂઝર્સને આપી રહી છે દરરોજ 1 લાખ રૂપિયા જીતવાની તક

કંપનીએ #ReturnofTikTok કેમ્પન હેઠળ લોકોને એપને સોશ્યલ મીડિયા પર પ્રમોટ કરવાની અપીલ કરી છે. કેમ્પેનમાં જીતનારા યૂઝર્સને દરરોજ કંપની 1 લાખ રૂપિયાનુ ઇનામ  આપશે. આ કેમ્પેનમાં યૂઝર્સને TikTok એપને સોશ્યલ મીડિયા પર શૅર કરવાની રહેશે, જેમાં એન્ડ્રોઇડ અને iOS ડિવાઇઝ માટે એપની ડાઉનલોડ લિંક હશે, જોકે આ પ્રમોશનલ કેમ્પેન માત્ર 16 મે સુધી ચાલશે.

લાંબા સમયથી વિવાદમાં હતી TikTok:

મદ્રાસ હાઈકોર્ટની મદુરાઈ બેંચે 3 એપ્રિલ 2019નાં રોજ ઓર્ડર પસાર કર્યો હતો. જે બાદ સરકારે દેશમાં ટિકિટ ડાઉનલોડ પર પ્રતિબંધ મૂકવાની સૂચના આપી હતી. હાઈ કોર્ટે એવી દલીલ કરી હતી કે ટિકટોક એપ્લિકેશન પોર્નોગ્રાફીને પ્રોત્સાહન આપે છે. જોકે સમગ્ર મામલો સુપ્રીમ કોર્ટમાં પહોંચ્યા પછી મદ્રાસ હાઈકોર્ટ તેનો યોગ્ય પક્ષ નહીં રજૂ કરી શકતાં તેના ઉપર લાગેલો બેન હટાવી દેવાયો હતો.

પ્રતિબંધ પહેલા ભારતમાં હતા 90 લાખ યૂઝર્સ:

TikTok વીડિયો એપ્લિકેશન મ્યુઝિકલી નામનાં બેનર સાથે લોન્ચ કરવામાં આવી હતી, પછી તેનું નામ બદલવામાં આવ્યું હતું. એક અહેવાલ અનુસાર, 2019 ના પ્રથમ ત્રણ મહિનામાં TikTok  પ્લેટફોર્મ પર 9 લાખ નવા ભારતીય યુઝર્સ જોડાયેલા છે. આ એપ્લિકેશન વિશ્વભરમાં 100 મિલિયન કરતાં વધુ વખત ડાઉનલોડ કરવામાં આવી છે.

3.5 મિલિયનનું થયુ નુકસાન:

TikTok પર ભારતમાં પ્રતિબંધ લાગતાં તેની પિતૃ સંસ્થા બાઈટ ડાન્સને એક દિવસમાં 5 મિલિયન ડોલર (રૂ. 3.50 કરોડ)નું નુકસાન થતું હતું. તેના કારણે 250 નોકરીઓ પણ જોખમમાં હતી. ત્યારબાદ કંપનીએ TikTok પરનો પ્રતિબંધ હટાવવાની વિનંતી કરી હતી.