વડોદરાઃ મહારાષ્ટ્રના યવતમાન ગામમાં અવની વાઘણને શુટ આઉટ કરવાના મામલે હવે પ્રાણી પ્રેમીઓનો વિરોધ વધી રહ્યો છે. વડોદરા સહિત વિશ્વના અનેક દેશોમાં "નેશનલ શેમ" નામથી અવનીની હત્યાના વિરોધમાં વિરોધ પ્રદર્શન કરવામાં આવ્યું.
વડોદરાના ડેરી ડેન સર્કલ પાસે પ્રાણી પ્રેમીઓએ વાઘણ અવનીને શુટ કરવાનો વિરોધ કર્યો. વિરોધમાં એક નિર્જીવ વાઘણને સાથે રાખી તેમજ પ્લેકાર્ડ અને પોસ્ટર સાથે દેખાવો કર્યા. પ્રાણી પ્રેમીઓના વિવિધ ગ્રુપોએ વાઘણ અવનીને શુટ કરવાના મામલે તપાસની માગ કરી છે.
તેમજ સરકારો પાસે વાઘોની રક્ષા કરવા તમામ પ્રયાસો કરવા જોઈએ તેવી રજુઆત કરી છે. પ્રાણી પ્રેમી જુથ અવની વાઘણને શુટ કરવાના બદલે તેને બેભાન કરી બીજી જગ્યા પર ખસેડી શકત તેવી દલીલ પણ કરી રહ્યા છે. તેમજ આગામી સમયમાં વાઘણ અવનીના હત્યાના વિરોધમાં પ્રદર્શનને ઉગ્ર રૂપ આપવાની પણ ચીમકી ઉચ્ચારી છે.
મહત્વનું છે કે મહારાષ્ટ્રમાં 14 જેટલા લોકોનો જીવ લેનાર વાઘણ અવનીને વનવિભાગ દ્વારા ઠાર મરાય હતી. આ 5 વર્ષીયના મોત બાદ આસપાસના વિસ્તારોમાં જશ્નનો માહોલ બની ગયો હતો. લોકો ફટાકટા ફોડી મિઠાઇ ખવરાવીને ખુશીઓ મનાવી હતી.
ત્યારે બીજી બાજુ વડોદરા સહિતના અનેક શહેરોમાં આ વાઘણને શુટ આઉટ કરવાના મામલે વિરોધ કરવામાં આવી રહ્યો છે.